[نفس تائهة]

احتريتك شوق توت اليا لمسته ذاب فيك
واحتريتك شوق تين اليا قطفته ياكْلِكْ


واحتريتك شوق خوخ وهالفواكه تبتليك
وابتلاني ربي إني أتبْعِك وخطاك لك


واحتريتك توت شوق وسال كلّي مبتديك
وان بدينا بالفواكه ماكليت دواك لك


صرت مبلي بالفواكه من كرزها اشتهيك
وان لمحته في شفاهك صحت من ودّاك لك


ضعت بين اثنين مدري ابتدي به وانتهيك
هوّ يوكل وانت توكل والطّعم ماجاك لك


من حلاك اليا أكلته إحمراره يعتريك
ومن حلاه اليا ذبحته هالخجل مااطراك لك


يستبيح لذبحته والموت عنده يهتويك
تصدق اني صرت مثله ليتني مسواك لك


بين جمرك واستبيحك في ملامَس شفّتيك
والبَرَد لاعضّ شفّه ذاب شي وذاك لك


ريق صافي ذاك لك ولك عليّه ماارتويك
قد شربتك واذكر اني قلت كلّي هاك لك


انت وحدك قد عطيتك كلّ روحي واحتويك
وانت كلّك محتويني والهوى افلاك لك


ايه احبّك واحترمك وبين ذيّ وبين ذيك
اعْشِقك بهبال عاقل والغلا ماشاك لك


ايه وربي راح احبّك في غيابك وانتشيك
واوعدك مااحب غيرك والوفا إهلاك لك


ولو احسّ القلب روّح لمّ غيرك انتخيك
أو ذبحته ليه حبّ وطلّع اللي حاك لك


وان بغيت الجد اقسم كل عمري مشتريك
ماابيعك لاتحاتي وكيف ابيع املاك لك


صرت ملكك وانت ملكي والفواكه تحتريك
صار كلّي يحتريك وكيف توت اعطاك لك


توت ياكل توت هذي من عجايب مشتهيك
ولا تعجّب يوم احبك واشتهيك وآكلك