رد: زهران زهرة الارض نصيتكم وانا ولدكم
مادري فين هذا الشاب ساكن اذا في الغربية يكون افضل
مادري في مناطق المملكة موجود صندوق عبد اللطيف جميل
عبد اللطيف جميل يعطي قرض مالي لمساعدة الشباب والشابات على فتح اي مشروع
اعطيك مثال عندنا في مكة مطعم عوائل كبير اسمه تكتكة علشان تتاكد مااقصد دعاية
صاحبه كان زي حال صاحبك واخذ قرض من عبد اللطيف جميل بدا مطعم صغير وشوية شوية كبر المطعم في قسم للعوائل وقسم
للشباب هذا غير الطلبات الخاصة للبيوت ماشاالله عليه
بس الواحد يصر ويعزم ويتوكل والدنيا يبغالها صبر
وبرضوا في من عائلتي شباب كانوا يبغوا يسوو مشروع ووافق عبد اللطيف لكنهم كانوا طلاب في الجامعة
والمطلوب شخص متفرغ غير موظف وغير طالب
المهم يفتح مشروع مايندم عليه زي مثلاً كوفي الشباب مو قهوة شي ارقى يكون فيه العاب بلياردو وبولنج
مثلا او مطعم في جهة مافيها مطاعم او محل ملابس واكسسوارات والناس في هذا الزمان بس يبغوا ياكلوا ويلبسوا ويلعبوا
ويارب تقبل مروري وكلامي
وتحياتي
ـــــــــــــــــــــــــــــــــــــ
|