[عابرسرير]

[align=left][img]http://bntalmaghrib.********************************************/rahhhil.jpg[/img]


كبرتي..
مدري كم صرتي !!
يمكن (أوّل العشرين) !!
كبرتي ..
وماتغيّرتي
صرتي : زياده بس تغرين !!
وأنا اللي خابرك (طفله)
ألطف منّها مافيه
تجي تخطف (عيون) الحاضرين من الملأ غفله !!
وتسكن في خيال (العابرين) من الملأ غفله !!

خبرتي :
يوم أكتب بك قصيده تشبهك مرّه ؟
بريئه : مثل نظراتك
جريئه : مثل ضحكاتك
أبيها ترضي غرورك , وأبي يا (حلوه) تنبهرين

كبرتي والله يا (.....)
ولاعدتي مثل (أوّل) : من أبسط كلمه (أتطّيرين) !!
ولو ماتلامس أحساسك
ولاعدتي بعد (تقرين)
ذبلت أكثر حروفي حزينه بحضن( كرّاسك) !!

كبرتي ..
مثل هذا (الحب) : فيني لك بدا يكبر
وصرت أشتاقلك أكثر
كبرتي وأنتي ماتدرين !!

كبرتي بسرعه يا(........) !!
وصرتي حيل (مغروره)
ولكن مو على أحبابك
على اللي (علّمك) أنّك على الحلوات (تغترّين) !!
على اللي (علّمك) قبل اللقا وشلون : (تحتضرين) !!
وتنتظرين .. مهما طوّل غيابه
على اللي (علّمك) فجأه على باله غلا (تمرّين)

كبرتي ..
بس على (قلبي) !!
كبرتي أو تكبّرتي ؟؟
أنا والله ما أدري !!
وأنتي شوفي أي وحده من الثنتين تختارين ![/align]