[سـحـــاب]

يا قلبي العشق ما يتعب ولا يشقـى
إحنا صهرنا العذاب وحضرته باقـي
نستمطر الوصل ما كن السماء زرقاء
لا غيم لا سحب لا راعد وبراقـي
ما غير صمت البعاد ونايح الورقـى
حزنً يجوب الفضاء ويمـر الآفاقـي
ما هوب حق الهوى نشقى ولا نلقى
نصّحي الشوق والميعاد مـا فاقـي
ان حال وصلك فعمر الحب ما يرقى
يشد رحل الغياب ويهجر أعماقـي
يا وينها القِشة الي تنّجـي الغرقـى
لعلي أنجى بها لا قلت: يـا واقـي
غيبي فمان الوداع وذمـة الفرقـى
لأبعد مدى ما توصل دونه اشواقـي
للفرح ميعاد وإن كان الحزن يبقـى
لو ما نطيقه مـعَ الايـام ينطاقـي