[زهــــ بنت ـــــراان]

—(•·÷[ (..صبــــــــــــــــااح الورد والجوري..) ]÷·•)—


على طاري صباح الورد, وإسمك, والحلا والذوق
ذكرتك يااجمل أحلامي , بقافي واستهليته

على درب القصيد أسوق , قلبي والخطاوي شوق
وإذا مالت بي الخطوه , على دربك تنآسيته

يهز الشوق بأعمـــاقي , عنـــاقيد الغرام عـــذوق
ويقطف بالغلا فيني , غرام(ن) خنت وأخفيته

أحبك كثر ما يشعل , غرامك في حشـاي حــــروق
وشبٌه زود لو يحرق , ضلوعي مت ما اطفيته

أحبك دمعت(ن) طاحت , على خد الصباح اشروق
يموت النور لو طاحت , على كفي وضميته

أحبك , إيه أحب إسمك .وأموت بجيدك المــنتوق
و تخيل كثر ما أكره صدودك , قمـــت حبيته

تموت من البطا غيمه , طعنها من جفاك بـــروق
وغشى روض الحشا وسمي جفافك وإنت ما ارويته

رحلت , وما بقى منك سواك إنت , و عنا مفهوق
عنا ذاك الربيع اللي , غشاني ما تمنيته

تعال , إجرح على كيفك , تربع واستحل عـــروق
تدلل والبساط أحمد , وأنا لرضـــاك مديته

قم إسهج لآخر ضلوعي, تغلـغل داخلي برفـــوق
حلالك ما بقى مني , مع اللي لأجلك أفنيته

من اللي من غديت أجمل قصيدة ما غدا له ذوق
ومن اللي كتب باسمك قصيده وانكسر بيته

وربي , من كتبت إسمك وبروزته بقلــبي فـــــوق
وأنا ما دار في بــــالي , قصـــيد ما تحــاليته

دخيل الدمعتين اللي, غدت منها الخدود شقوق
ترفق سامحك ربي , على قلب(ن) لك أهديته

إذا لك حق في قلبي , فأنا لي في غلاك حقوق
و حقوق الشوق محفوظة , وحدي ما تعديته

يذكرني صباح الورد , وإسمك , والحلا والـــذوق
وأردد يا (أجمل أحلامي ) بقافي يوم هليته



مما راق لي ،، اتمنى ان تنال اعجابكم

لكم ودي ووردي

زهــــ بنت ـــــراان