[محمد بن حسن بن مله]

للصدر ضيق .. وضيقتي اليوم : مُرّه
أمر من سُم الحنش .. وسط الأفواه


يا صاحبي .. ضاقت عليْ / المجرّه
من وين ما أرحل وَنا الضيق .. ألقااه


كانت حياتي .. دايما ً // مستقرّه
لا فكّر بْ مال ٍ .. ولا فكّر بْ جااه


كانت حياتي .. ربّما // شِبْه حُرّه
عايش طبيعي / منسجم ، واحْمد الله


حتى أتت كومه من الضيق مَرّه
ثمْ استباحت جوف صدري ، من أقصاه


الضيق / كائن حيّ .. منشلّ فِكْره
أقصّ إيدي لو لقينا له أشباه ..!


الضيق / ضايع ..واصبح الصدر :وكْره
استوطنه كلّه .. من أسفَلْه .. لَ عْلاه


الضيق / ماكر ..دايم إيزيد : مكْره
يغلط ويبطش .. ما يفكّر في عقباه !!


الضيق / مجرم .. طعنته ، حيل قشْره
يذبح صدور الناس زي / ذبحة الشاه !!


هُوْ الذي خلّى من الناس : تكْرَه ،
تحقد ، تغيض ، بْدون أيّة مُراعاه !!


والحين أنا حبل الشقا ، قمت أجرّه
واصْبحت أجيد اليوم ، كيف أنطق ال آه


قد قالوا : الطيّب / يجي عند ذِكره
ولو جاني مليون ٍ فيذا الوقت .. مبغاه !!


ارررحب فديتك ، ياللي للعين .. قرّه
صدري ، تفشْخَر وافتخَر بالذي جاه..!!


يارب سترك .. يللّه إكفيني شَرّه !
عن إذنكم ! ه الحين .. موعود ويّاه !!