[محمد بن حسن بن مله]

يكفي عذاب " تتعب القلب تفتيـش
كانك تبي علمـي فدتـك السريـره
على النقا لي سابق" تسبق الجيـش
لكن دربـك مانـي بقـوا مسيـره
اغبى سؤال" للعرب تنشدك (ليش)
واذكى جواب" مثل جمـر السعيـره
مكسب حياتي مايجي فيه تحويـش
مفني حصـادي لليديـن القصيـره
ماسعى (ب)هالدنيا لجل رغدة العيش
من تجربة دنيـاي نفسـي خبيـره
اهذب النفس العزيزه عن الطيـش
حرمان الانفس بعض الاحيان خيره
ادري غرامك طب جرح النشانيـش
بس الثمن غالـي ونفسـي فقيـره
لاصارت حراب العـواذل معاطيـش
وحلوقهم مثـل الظـواري سعيـره
اللي على الغـره تحـب المنابيـش
خطر" عليهـم نشرهـا بالجزيـره
ولا على حكمـي تـدز المطاريـش
ياقاضي التميـز وشهـو مصيـره
دق العلوم اللي مع الناس تقطيـش
تصبح جـلال" بالقلـوب الظريـره
مافيهم اللي يطعن الصدر بشويـش
قوم" يكـر وقـوم" اعلـن مغيـره
ولا انت يانايم على بـارد الريـش
ووسادتك باقـة زهـور وعبيـره
غيمة حياتـك ماتشـح المراهيـش
تمطر غنج والنـو تسمـع هديـره
واما انا جوي من العـام تشويـش
وكبار الأشياء في عيوني صغيـره
مهمش" بعض العرب دون تهميـش
من ماقفي يشهق ويصعـب زفيـره
هذا الزمان يعرش العظـم تعريـش
شفني من الدنيا عيونـي سهيـره
وش حاجتك فيني وقلي على ويـش
دام ان همومي جمعهـا كالعشيـره
من فوق ظلعي ينقش الوقت تنقيش
نقاشهـا لادق تسـمـع صفـيـره
لو ابتدي قلي النهايه علـى أيـش
دام البدايـه مـع بعضنـا خطيـره
اعتاش في وقتك وانا خلني اعيـش
تسهر عيوني وانت عينـك قريـره
يعطيك العافية قصيدة جميلة وتشكرين عليها