المشاركة الأصلية كتبت بواسطة العــ أبوصالح ــقيد
إنا لله ياذا النسوان عندنا .. لا يعجبهم العجب ولا الصيام في رجب .. عاد إنتهوا اهل الرومانسيه كلها .. طيب ممكن نعرف الرومنسيه المطلوبه منا .. طيب انا اقول كيف تبغون الرومانسيه .. 1- يجي الواحد من الدوام تعبان لا تخافوا ماراح يصحيكم من النوم لا لا أبد حبايب انتو على طول يمر على راعي الورد وياخذ ورده حمراء والإ اقول بنكي احلى رومنسيه حييييل شوفا إحنا بنسويها عادي بس المشكله في الصيف لما ناخذ ورده مع حرارة الشمس تذبل وإحنا مانرضى نهديكم ورد ذبلان الورد لازم يهدى له ورد يليق بمقامه الشئ الثاني السوق بشكل يومي عادي عادي لعيونكم كل شئ يهون ونوديكم محل هدايا ونهديكم احلى هديه وماننسى نشتري قلب أحمر و ننقش الحرفين + love.. الشئ الثالث إذا صلحتوا الغدى نعفيكم من العشا الله يخلي المطاعم اللي مخزنين ارقامهم في جولاتكم يعني لا تخافوا ماراح نتعبكم .. أي وقت تحسي إنك متضايقه وودك تروحي لأهلك عادي عادي لو في نص اللي .. راحتكم اهم شئ عندنا ..! ولا ننسى تغيير الاثاث بشكل نصف سنوي عشان مايصيبكم الممل .. أنتوا امروا بس .. وكمان الإضاءة خافته بصراحه اللون الابيض ممل مو صح فاهمينكم ولعيونكم نعمل المستحيل .. كل شهر يكون هناك عشاء بشكل خاص في إحدى المطاعم الـ vip لاتهمكم الفلوس 1000 ريال عادي تروح وتجي غيرها .. ولا ننسى كل شهر حجز ثلاث ليالي في فندق الفورسيزون قدركم اكبر من كذا بس هذا من احلى الفنادق اللي عندنا بس لاتهتموا الصيف خارج المملكه .. وماننسى كمان ليلة الزواجد هذي ليله تاريخيه ويرتب لها قبل الموعد بثلالث أشهر على أقل تقدير ..! هذي هي الرومانسيه اللي تبونها .. طيب إنتوا ماطلبتوا شئ عيوننا لكم ,, بس لنا طلب واحد منكم بس واحد .. فكونا من كلمة انتوا يالرجال ماتقدرون ماتعرفون الرومانسيه .. شوف فلان وفلانه !! الوحده إذا كان عندها عرس لأحد صديقاتها تروح المشغل من الظهر وترجع المغرب وتكمل على المرايه .. ولما ينتهي العرس ترجع البيت قبل ماتشيل العبايه تروح تغسل وجهها وكانها داخله على جني .. طيب انتي صبرتي اكثر من 6 ساعات كملي ساعة مع زوجك والإ حلال على صديقتك وحرام عليه .. كت كاته شكراً وأسفين إذا ازعجناكم .. بس بيني وبينك كثرة مواضيع الرومانسيه وانا من خلقني ربي وانا احب الرومانس عشان كذا رديت ,, يارب ما احد يعصب وخصوصاً شقائقنا .. مع الف سلااامة ,,,