رد: ~{ ج ـٍـدآر ـآلـِزمن } ~ !~
على الاطلال لاتبكي كفى تبكي على الاطلال
تناسى الهم ياقلبي كفانا غربله وهموم
تعال احسب معاي الايام وكم ليله بليا أوصال
خلاص الماضي مايرجع ترى حنا عيال اليوم
هذاك أول نعيش بحب ونتهنى براحه بال
هذاك اول قبل نكبروتصبح في العلوم علوم
ياقلبي هذي الدنيا دايم تنقلب الاحوال
ترى ماني الوحيد إلي بصدري ضيقه ومكتوم
انا ادري ان الزمن ظالم ولايحسب عن الرجال
وأعرف الحظ ليمن طاح يبيله وقت لين يقوم
وذي قسمتنا ياقلبي صبرعلى الحزن لوطال
أمرمكتوب ومقدر وكيف نغير المقسوم
ماهو ذنبي ولاذنبك نعاف الحلم والآمال
مادام أن السهر فارض علينا مانذوق النوم
ياقلبي تعبت عيوني وهي تنظريمين وشمال
أدور للأمل لاكن لقيت أن الأمل معدوم
ياقلبي لا المطر جاناولاحتى بعد تمال
ماغيرتحوثنا الغيمه تمنينا المطر وتحوم
أناأحب البحروأعرف هدير الموج وإليامال
ولكني مع هذا أحس إني ما اطيق العوم
أعيش بفقري وراضي ولاودي يجيني مال
لأني لو لقيت المال وجيت اشري عجزت أسوم
ياقلبي مر في سمعي كثيرمن الحكم وأمثال
ولكن مالقيت أصدق من إلي قال بكره يوم
تعال نعيش دنيانا ونتعود على ذا الحال
ويمكن شمسنا تشرق وتصبح في العلوم علوم
ـــــــــــــــــــــــــــــــــــــ
|