[*** الصهيبي ***]

هنا قارعتان جرت الأولى بيني وبين كلاً من الشعراء الكبار

محمد عبدالرحمن وسعيد بن سالم

والثانيه كانت بيني وبين الشاعر سعيد بن سالم

نتمنى ان تحوز على رضاكم واستحسانكم

وان ترقى الى مستوى ابداعكم

القارعه الأولى

[poem=font="Simplified Arabic,6,#4A0301,normal,normal" bkcolor="" bkimage="" border="none,4,#400000" type=3 line=1 align=center use=ex num="0,#400000"]
*=
البدع / الصهيبي=
*=
من يودّي علمنا للعالِم اللي فيلسان=
ودّي ارسم معه بيبان(ن) حكايم وامحى بوب=
صاحبه يقني عتاد الصيف والمشتى قنى له=
كم نفوس(ن) مشتي اسمعها ومشتي اقل لها=
*=
الرد / محمد عبدالرحمن=
*=
المحبه من صميم القلب تظهر في لسان=
وانا لا مكروه فالديره ولا ني بمحبوب=
يوم فرقى ديرة(ن) ماتنضوي مشتاق انا له=
عافها قلبي وبعض الناس مشتاق(ن) لها=
*=
البدع / سعيد بن سالم=
*=
كم لي اقول القصايد وانتظرها شيلبان=
مرّه ادخل في عراك ومرّه اجلى من حروب=
ماجمل من الشعر في عين الحكيم الا اعتزاله=
والا فالجاهل هبو له رتبة(ن) ماهو لها=
*=
الرد / محمد عبدالرحمن=
*=
يابدو لا تقطعون الغصن دونه شي لبان=
تقطعون العود الاخضر للسهام وللحروب=
شفت راع الفاس مقطوع الرجاء يوم اعتزاله=
في ديار(ن) ماجلى الهمّال بالماء هولها=
*=
البدع / الصهيبي=
*=
اعلمني من حصّل من اللحد ومن المهد امان=
هجرة(ن) نقضي مشيب العمر فيها والشبوب=
مثل من يشري ويبتاع الفنى من حرّ ماله=
كم بضاعه صدّرت من غير جمراك(ن) لها=
*=
الرد / محمد عبدالرحمن=
*=
بين شيّاد القصور العاليه والمهدمان=
همّة(ن) تحت الرماد وهمّة(ن) فوق الشبوب=
الرضى يستلطف اعلى الفيف حتى حر رماله=
والسخط يغدي غصون الدوح جمرى كلّها=
*=
البدع / سعيد بن سالم=
*=
بنت صوغان اقتناها راعي ابل(ن) من عمان=
ذلّلها وان اصلها طيب ولاهي للركوب=
اطلقها من قيدها لا هنت ياراعي جماله=
الفلى عن ذود عمّك ياصبي احلى لها=
*=
الرد / محمد عبدالرحمن=
*=
لاشفت الفقران يتلبس ثياب المنعمان=
ضيّع طعم الشهد في ثغر الهقاوي مرّ كوب=
علّم اللي فوق ظهر الخيل حتى السرج اماله=
يلبس الفروه مع الرعيان بين حلالها=
*=
البدع / الصهيبي=
*=
الشراكه فانيه والنّد والمعناد فان=
كلمة(ن) برضى عليّه وزرها وعليك اثوب=
لاتثق في راعي الهجران بيّاع الزماله=
عالج انياب(ن) تضيحك لك بقلاع(ن) لها=
*=
الرد / محمد عبدالرحمن=
*=
الهقاوي تاصل المرّيخ والمعنى دفان=
وعلى متني ثياب(ن) ساتره وعليك ثوب=
تاجر(ن) مغبون في سوق الغلابه عز ماله=
سقت لك كلمه وانا ماعد بقي الا اعلّها=
*=
البدع / سعيد بن سالم=
*=
فرق مابين الغصون اليابسه واللي لدان=
من بغى الفيّه بيلقى شجرة(ن) ولها شعوب=
من تفيّا تحت قرص التين عقله في ضلاله=
وانّها حتى ثمرها مالحق في ضلّها=
*=
الرد / محمد عبدالرحمن=
*=
بين صرخات النحيب وبين صوت الليلدان=
تدري ان الناس يابو ياسر اصناف وشعوب=
انا شفت اقزام تحت التين تنعم في ضلاله=
تشتم الناس بعقول(ن) غارقه في ضلّها=
*=
البدع / الصهيبي=
*=
رفعت الاقلام والقرطاس موفاه البيان=
والذراع اللي كتبنا به تربّل مالكتوب=
يالذي ماهلّ باعلامه ولا اعلنّا سواله=
لك ثلاث ايّام ماسمع غير بكره اهلّها=
*=
الرد / محمد عبدالرحمن=
*=
موعد التحقيق واعلان الخبر من قلبي آن=
اغد قل للسارق المازح للرب الملك توب=
كم عطينا السايل الشحّاذ ماعلنّا سواله=
لا يلحّ على البشر تعطيه بكراه(ن) لها=[/poem]

القارعه الثانيه

وقد جرت بيني وبين الشاعر الكبير سعيد بن سالم قبل ثلاثة ايام
[poem=font="Simplified Arabic,6,#051B5A,normal,normal" bkcolor="" bkimage="" border="none,4,#400000" type=3 line=1 align=center use=ex num="0,#400000"]
*=
البدع / سعيد بن سالم=
*=
مرحبا بالصاحب الي قد زعل مني وغاب=
انت وانا يا صهيبي مثلما الانصب ونيــس=
لا نقدنا بعضنا في علم والا في قصايـــــد=
لا تصنفها جريمه ثم تغدي سابقه=
*=
الرد / الصهيبي=
*=
صاحبك لاسر علمه عنك مابدابه وغـاب=
والله انه مثل عرفك له على قربك ونيـس=
ابد مافي خاطرك واكشف نياتك والقصايد=
قبلك المرسام ييدين الجموح السابقه=
*=
البدع / سعيد بن سالم=
*=
لا تغرك فزتي لا قمت ما عدنـي شباب=
أنا رعّيت الغنم في ما مضى وحديت عيــس =
ما بقى من جيلي السابق سلوم ولا عوايـد=
كل ما رديت عيني للزمن ما ارى فُقــه=
*=
الرد / الصهيبي=
*=
ليت مالهبت الرماد وليت ماوقدت الشبـــاب=
ماكفتك الهجر قفّت بي وانا وحدي تعيــــس=
كم لي اتجرع غضبها وفترش جمر العـوايد=
حتى ليل الغدر يطرب لي على مارافقــــــه=
*=
البدع / سعيد بن سالم=
*=
جيتك آسل السويف وجيتك آسن الحــــراب=
احسبك تشرع بحور وما تهاب وما تقيــــس =
يوم شفت الدمع في عينك رحمتك وانت قايد=
وأثرسيفي ما يجندل من عيونه شارقـــــــــه =
*=
الرد / الصهيبي=
*=
المحبه يابن سالم لا تعرضها الحـــــــــــــراب=
ماتوا اهل الحب والمشكى على الله مات قيس=
والله ان الوقت يتخطـــــــــــرى ليد وينتقى يد=
لين غيب شمسنا اللي بالمحبه شـــــــــــــارقه=
*=
البدع / سعيد بن سالم=
*=
يالبيب العقل يا من يهتدي منــــــــــــك البـاب=
أوفني بالطيب وآنا اوفيك وامد الخميـــــــــس=
النوايا كيف نكشفها ونرصدها رصايـــــــــــد=
مثل رأس الآسوي لا حج بين آفارقــــــــــــه =
*=
الرد / الصهيبي=
*=
لاتطاوع كل فتنه حـــــــــــوّلت من كل باب=
حتى لو مدت خطاك لحقل وخطاي الخميــس=
وش نصيب اللي بلا عزوه لو امواله رصايد=
والله مابيع الصديق ولا نويت افارقــــــــــــه=[/poem]


ودام الجميع في رعاية الله

أخوكمـ

الصهيبي