رد: ~{ ج ـٍـدآر ـآلـِزمن } ~ !~
يا قصايد شوق معزوفة
تطرب الخافق قوافيها
انشدي لي راح ماشوفه
وين داره لي لفى فيها
صد عني وسلها سيوفه
وطعنته ف الخافي مخفيها
صد عني وأعلن عزوفه
والمحبة صرت حافيها
غرني غصنه ومقطوفه
في دروبه لي مشى فيها
يوم أقول إني أبا أعوفه
تكشف الذكرى خوافيها
المشاعر ترتجي روفه
وعن دياره قام ينفيها
لي طرت لمحة وصوفه
تنهض "أشواقي" وأغفيها
خان عهده وأخلف حلوفه
وخاب من ظنه موفيها
امحي يا خفاقي حروفه
عن عروقن ما هو مشفيها
يا قصايد شوق معزوفة
تلهب الخافق قوافيها
لا أبغي أشوفه ولا ألوفه
دام عكر حب صافيها!!
ـــــــــــــــــــــــــــــــــــــ
|