[نايف علي الزهراني]

السلام عليكم ورحمة الله وبركاته هذي قصيده ارسلتها لصديقي الشاعرمحمد بن سيف السبيعي

وحبيت اعرضها لكم في المنتدى


هــــــاذي علــــــومي





[poem=font="Simplified Arabic,4,#000000,normal,normal" bkcolor="" bkimage="" border="none,4,#400000" type=0 line=1 align=center use=ex num="0,#400000"]
يـالله تـبـعدنا طريق المصـاعـيـب=ياللي تضوي في سماك النجومي


راجـيـك تـجـزانا بخير العواقيـب=يومن عن الأسرار محدن كتومي


من بعدها ياللي تعرف المواجيب=هاذي عـلـومي ياحـفـيـد القرومي


في وقت نادر فيه تلقى الأصاحيب=والناس صارت ماتعرف السلومي


نـشـوف فالدنيا كـثـيـر التعاجـيـب=سوق المراجل ماحدن به يسومي


ضـيـف الـمـعـزه مالقاله معازيب=والخلق في بحر المصالح تعومي


ماعـاد نـلـقى من يفك المناشـيـب=وش ينفعك فالصيد فعل الرخومي


شفت الأراضي باخلاتن مشاحيب=ماعـاد تـنـبـت لالفتـها الوسومـي


أنا جروحي من زمان الأكاذيب=ماهي من العدوان ولاخصـومي


والجرح يابن سبيع ماله تطابيب=ينزف كثير الدم في كـل يومـي


حالي تردى بالجروح المعاطيب=ياجـعلـها ياصاحـبي ماتـدومـي


أثر الزمن له يا محمد مخاليـب=قطعبها صبري وقطع عزومي


عجزت تطويعه بكل الأساليب=بدفاع تجريحه يوقف هجومـي


خلى المراره كلها لي مشاريب=والهم والأحزان صارت قسومي


ضاعت حقوق ومن وراها مطاليب=وتـشـتت باليـأس كـل الحـلـومـي


أنا قنوع وراضيـن بالمـكـاتـيـب=لكن حظي طاح وأزرى يقومي[/poem]


وسلامتكم