[فراشه شفافه]

جلست بساعة المشرق على شط البح ــر سهران ,,
أقلّب دفتر الماضي على صفح ــات وجدانك ,,

تهيّج بالشعر فكري وترجم للغرام ألح ــان ,,
قصيدة قلت أبنثرها وأبكتبها على شانك ,,

أنا يابحر ماجيتك أبروي بك ظمى عطشان ,,
ولا جيت آخذ اللؤلؤ أو أرجي منك مرجانك ,,

أنا جيت أنثر همومٍ ملاها الح ــزن والح ــرمان ,,
وأزوْد همومك بهمي وأضمّ الح ــزن لأح ــزانك ,,

أنا جيت أرمي أوراق الح ــزن في عالم النسيان ,,
أنا جيت أدفن القلب اليتيم بغربة أوطانك ,,

أنا جيت أذرف دموعٍ بكتها عيني بكتمان ,,
أكفكفها وتعصاني .. ياشين الدمع لاخانك ,,

دخيلك يابح ــر تكفى .. دخيل اللؤلؤ والمرجان ,,
دخيل الموجة الزرقاء .. وياقوتك وح ــيتانك ,,

دخيل الشمس إذا شعشع سناها وأقفت بح ــسبان ,,
دخيل المركب اللي يرتجف من ذل طغيانك ,,

دخيلك يابح ــر قله .. أنا لك عاشق وولهان ,,
أنا (( مخاوي الح ــزن دونك )) بعد فرقاك وهجرانك ,,

أنا من غبت مثل الورد يموت من الظمى ذبلان ,,
يموت ولا يبي إلا يعيش بوسط بستانك ,,