[عالمي زهران]

نقدر نقول مبروك لك ياياسر فانت اصبحت اكثر لاعب تحترمه الجماهير !
نقدر نقول مبروك لك ياياسر فقد جمعت شمل الجماهير !
ونقول مبروك لك على تحقيقك اولويه من اولوياتك التي لاتنتهي !!
هذا حلم كانت تردده الجماهير الهلاليه التي يبدو انها حتى اللحظه غير مصدقه لما احدثه هذا اللاعب من تشويه لسمعه الكره السعوديه !
كنا نحلم بلاعب يعيد امجاد الكره السعوديه بالفن والاخلاق كما كان النجوم الاساطير ماجد والنعيمه وخليفه وشايع ومحيسن , واذا بنا نتفاجا بلاعب عقدنا عليه امال كثيره يعيدها للوراء ويسقطها من اعلى القمم بالمستوى الضعيف والاخلاق الاضعف !!
جعلوه نجم اعلانات ظنا منهم انه محبوب الجماهير !!
جعلوه قدوه للجماهير في (الا صلاتي ) وهو ..... !!
تناقضات من هنا الين تتعب تعلمها في المدرسه الهلاليه , منذ ان اتى هذا اللاعب للهلال تغيرت نفسياته وتغيرت اخلاقه !!
كل لاعب اتى لهذا النادي تغيرت تصرفاته , ويظهر وكانه شخص اخر !!
السوال لماذا الهلال ؟ لماذا الهلال بالذات يدمر اللاعبين , يقضي عليهم !!
انا اقولك لماذا !!
لان الهلال يملك اعلام صبياني !! ياتجي معي والا مابيك !
ولان الهلال يملك كتبه مصدين من كثر الونين !
ولانه يملك اقلام تلمع تلميع كل لاعب طافي فيراه الناس لامع لوقت محدد بس بشرط ماتمر على اتربه ولا غبار لانه سيظطر لاعادة التلميع من جديد !!!
لمعوه وابعدوه وعيشوه في زجاجه وخلوا الجماهير تناظر بس ماتلمس !!! تناظر التلميع الظاهر وماتلمس حقيقة المستوى اللي تحت التلميع !!!
قايلكم ياسر فقاعة صابون وانتهت !!
انه سراب لحقه الهلاليون كثيرا وحاربوا من اجله واختلقوا التهم والاقاويل من اجله وبالاخير في استراحه !!!
المشكله الكبرى ان بعض الهلاليين لم يصحو من الحلم حتى الان !!
نقوله الرجال ممسوك في قضيه يقول لا مو صحيح !!
نقول يابن الحلال ترى الولد ماسكته الهيئه , يقول ابدا ماصدق !!
اقسم بالله العظيم اننا حزنا عليه بقدر ما فرح بانتقاله للهلال الهلاليون ,,
واقسم بالله العظيم اننا لانشمت فيه ولا في غيره ,,
ولكن عندما تاتي تصاريح عاجله لنفي الخبر تماما بدون تصريف وتصاريح اخرى تقر بالخبر مع التصريف فهذا لايمكن السكوت عنه ,,
كنا نتمنى من الاخوه الهلاليين الاعتراف بالخطا الذي وقع فيه ياسر وانه بشر مثله مثل غيره , لكان لزاما علينا ان نتعتبر الموضوع منتهي تماما , وليس لنا الا ان ندعوا له بالهدايه !!
ولكن عندما نقول انه حدث بالفعل ويقومون بالانكار عيني عينك ولا يكتفون بذلك بل يتهمون كل من تناول هذا الموضوع بالشماته واتهام الناس بدون دليل , فهذا لن نقبله لاننا نرى اننا اكثر مصداقيه من الاعلام المتوحد !!
من يقول انها اشاعه , ومن يقول انها مدبره من اطراف نصراويه ويستدلون بقرابه امير الخرج باحد اعضاء شرف النصر ,
ومن يقول ان الهيئه اصرت على الامساك به , ومن يقول انه الهيئه اعتدت عليه بالضرب !!
لكل هولاء اقول انتم تطالبون الناس بالستر, وتطلبون عدم الخوض في اعراض الناس , وتقولون لاتتهم احد بدون دليل !!
اين انتم من حادثة خميس العويران , واين انتم من حادثة محمد التمياط , واين انتم من حادثة طائرة الونس , واين انتم من هروب عزيز !!
وينكم عن الستر لما نتفتوا منصور البلوي تنتيف لمجرد شك لايملك ولا هلالي دليل عليه !!
الم تتهموه بانه مدبر هروب كالون !!
واذكركم زمان اذا تذكرون المقاله التي اتهمتم فيها ماجد بان دمه ملوث لكاتبكم الونيس صالح الحمادي !!
اليست هذه اتهمات خطيره بدون دليل !
وعلى فكره قبل ماحد ينكر مقالة الحمادي كما انكرها في برنامج المجلس ايام بطولة الخليج والتي تحدى فيها الكاتب القطري عبدالله المري بانه اذا ثبت انني كتبت هذا المقالة لك ولك , وانا تابعت هالتحدي وتفاجات بانكار الحمادي للمقاله رغم انني املك نسخه منها ومازالت موجوده حتى اللحظه معي , وكنت على وشك ارسالها للمري ليكسب التحدي ولكن تراجعت لاسباب وطنيه ,,
اليس هذا اتهام وتشهير وتشويه سمعه من الحمادي لماجد !!
اليس ذلك اتهام وتشهير وتشويه سمعه وبعد القرار شماته ليس لها حد من الهلاليين للبلوي !!
سالفة ياسر انا متاكد منها مليون بالميه بعد اتصالي باحد الزملاء بالخرج واكد لي انه اخوه يعمل بالمستشفى وهو من اخذ تحاليل ياسر وظهرت النتائج ايجابيه , وعندها لم يعد لدي مجال لجعلها اشاعه , لانك بتتكلم عن شي ماتدري هو صحيح ولا لا , وعندما تكلمنا عن الموضوع بدا الاخوان الهلاليين باتهامات سوء الظن والشماته والستر !!
نحن نعرف اننا بشر وممكن اي واحد يقع باللي وقع فيه ياسر ان لم يحسب خطواته صح !
ولكن هذا مايخليني اني انكر وادافع عن شخص اذنب ذنب لايغتفر وانا لااعلم عنه شيئا ,,
المفترض من الاخوه الهلاليين الاعتراف بان ياسر اخطا ويستاهل مايجيه وبنفس الوقت يدعون له بالهدايه وتاكدوا اننا بننضم لكم ونعينكم وندعوا له معكم , بس مو تكذبني وتتهمني بالشماته وظلم الناس بدون دليل كما فعل اعلامكم من قبل !!
اخيرا
اتمنى تكون هالسالفه درس لكم في كيفية التعامل مع الاحداث , وكيفيه التعامل مع الاراء حتى وان كانت ضد رايك !
تحيتي لكم من هنا الين مكانكم