[العرنين]

هذا المثل له قصة طريفه وان صدقت فهي من عجائب الاقدار...<<< اخلص علينا
طيب اعصابكم
هذا يا اخوان يقولون <<< اشهر وكالة انباء
انه في ديره من الديار مات عندهم ميت
ولا لقوا لهم كفن
فقاموا ارسلوا واحد بزعم انه ذيب ويرجع بسرعه
راح وصكهم ركبه ثلاثه ايام
بعد 3 ايام تباطوا الرجال <<< يلعن ابو البرود
وارسلوا مجموعه يدورونه
لقيوه ميت
.
لا تضحكون الدعوه موت
.
الحين بنجي لموضوعنا
كم في دوائرنا الحكومية ومؤسساتنا الحيوية <<< يمديكم على الصياغة
كم عندنا مندوب كفن
مكاتب التعقيب كل ابو مناديبهم من هذا النوع مندوب كفن
حياتنا العربية بشكل عام مليانه من مندوب الكفن
والقليل فقط الذين يروحون ويرجعون بشراريب حنين
شراريب حنين
هذي لها سالفه بعد <<< وش عنده اليوم الراوي
ما علي بكمل
يقولون ان فيه واحد اسمه حنين
(حونين) للي ما يعرفون يقرون الحاء عليها ضمه <<< سيبويه على غفله
وكان راعي محل حذيان في الكوفه
جاه واحد غثه وقعد يكاسره على حذيان <<< زمان كانوا يسمونها خف
المهم وصلت الدعوه بينهم للسب
وراح الغثة اخذ بعيره ومشى
عاد الدعوه ما وقفت عند حنين على كذا
قال والله اني اوريك يا السمرمدي <<< قالها باللغة العربية الفصحى
كذا (والله اني لا اورينك ايها السمرمدي)
اخذ حنين الحذيان اللي اعجبت الغثة وراح البر في طريق الرجال
رمى فرده في الطريق ومشى بسرعه يمكن 3 كيلو بمقياسنا الحالي
بمقياس زمان ثلاثة فراسخ<<< عاد انت يا الادريسي حق الجغرافيا
المهم يوم انه وصل رمى الفرده الثانيه (وفي روايه حطها على الارض )
جا الغثه ماشي ويغني
جيتك من عرعر حافي .... ماشي على رجليه
يوم شاف الحذيان
قال في نفسه هذي تشبه حذيان الغبي حنين بس يا خسارة
لو الفرده الثانيه موجوده يلعن ابو القهر
خلاها ومشى الين وصل بعد 3 كيلو او فراسخ<<< اختاروا اللي يعجبكم
لقا الفرده الثانيه ويصك راسه ويقول والله لارجع اخذ الاولى
وفي نفسه يقول (شي بلاش ربحه بين)
خلى البعير وانطلق مسرع للفرده الاولى
جا حنين يفرك في يدينه ويرفع حواجبه
ويضحك هههههههههههههه هااهااهاا
واخذ البعير بما حمل ورجع
الغثه رجع ما لقا الجمل ورجع لديرتهم ومعه حذيان حنين معلقه في رقبته
سألوه الجماعه وين البعير
قال ما رجعت الا بشراريب حنين
ومن ذاك اليوم صاروا ينادونه ولد منيره (اقصد شراريب حنين)
وهذي موضوعنا اليوم
فكروا شوي واذا انا غلطان قولوا لي
.
دمتم بالف خير