[عالمي زهران]

انها رصاصة الرحمه الاخيره في قلب الهجوم , انها طلقة نافذه لجسد الاعلام , انها طلقة الموت لكل الرؤوس اليائسه !!
يسلم راسك يالصقر , يسلم راسك يابطل , قتلتهم , ذبحتهم , وامرت ان يولد ماجد من جديد , رجعت ذكريات ماجد , وراسيات ماجد,,
هذا هو المهاجم راس الحربه التقليدي ! هو ذا من حاولتم ان تقللوا من امكانياته امام انصاف المهاجمين !!
اعتلى فوق الرؤوس , حلق كالصقر وشنقها في المرمى !!
الله عليك يانايف , وش سوييت , وش خلييت !!
طيرتنا معاك فوووق , حلقت بنا للعالي , ذكرتنا بالغالي ,,
يالبى راسك ياشيخ , يالبى نقزاتك , يالبى حطاتك ,,
منهو اللي بيقول بعدها تقليدي , يانعلبو التقليديه عقبك , يانعلبو من يحط راسه براسك !!
ياشيخ طيير من جد , طير وخلهم يفحطون باقلامهم الين تنمحي !!
خلهم ينظرونك فوووق , وعطهم غمزه ومعها نقزه تلقاهم متسدحين !!
وينك من اول , وينك من زمان , غيبوك عنا , دسوك منا , بس مصير الزين يظهر !!
بلا قناص بلا هم , بلا معاذ بلا قلق !
تكفينا انت , نبيك انت , مانبي غيرك , ومالنا غيرك ياللي افضل من غيرك !!
فرحتنا الله يفرح قلبك , جننتنا يالبى قلبك !
عطنا طلقاتك , كثر رصاصاتك , لاترحم !!
فقدنا الامل , وحققت الامال !
ماتت الفرص , وجبتها من نص فرصه !!
خلهم يسكتون , خلهم يبجمون , ولااحد يفتح فمه منهم , ولا واحد يجيب طاري الهجوم بعد اليوم !!
انت الرصاصه , وانت القاتل , وانت المسكت , وانت الصقر ,,
انت احلى واحد , انت اروع مهاجم , وانت رصاصونا !!

طلعات :
* نور انت نور المنتخب من جد , وانت من دونك مانسوي شي , خلهم يعرفون قيمتك يالضوء الاخضر !!
* عبدالغني مالنا غنى عنك , انت وش سويت البارح , نعلبو ابليسك انزرعت بكل مكان , حرثت ام الملعب حرث , حركت السعوديه كل ابوها , جننت الجماهير مايديها تغمض ولا الكره عندك !!
* نايف هزازي , هزيت الكل , وهزأت الشامتين , وخليت اقلامهم عالهزاز !!
* طالبوا بضمه لتكثيف الحضور الجماهيري ! اين هم الان من الحضور الغير طبيعي للجماهير بدونه !!حضور جماهيري لم يسبق حدوثه الا باعتزال ماجدونا !!!