[عالمي زهران]

جيت انت ولا المطر جاء , منهو اللي فيكم جانا , ياسعدنا ياهنانا !!
امطرت واسفرت يوم جيت , حمد لله على سلامتك , نورت الديره وهلها , والله مشتاقين , والله فقدناك !!
من يوم رحت والدنيا غبار , ويوم جيت امطرت !!
انت سعد , وانت وجه السعد , ياسعدهم كلهم !!
وينك ياسعد وينك , ماتدري وش صار عقبك , ماتدري انا تبهذلنا , ماتدري انا انقهرنا !!
قهرونا ياسعد , بهذلونا ياسعد , شلة لاعبين ومو اي لاعبين , لاعبين خقق , لاعبين يجيبون المرض !!
انت رحت من هنا وجانا مدخلي من هناك , رحت من هنا وجابوا الصقور اللي الكره بديره وهو بديره !!
شف لك حل معاهم ياسعد , فكنا منهم ياسعد !!
مدخلي ادخل الهم في قلوبنا وادخل الخوف على مرمانا !!
والصقور اللي ابعد مايكون عن كلمة صقور , لالعب ولافكر ولا حتى تمركز !!
دفاعنا رايح فيها دام ذولي موجودين , ذولي ثغره ماتترقع !!
تكفى فهمهم , قلهم , ترانا ملينا , وماعاد فينا صبر , ماعاد نتحمل هالاشكال !!
قلهم يروحون , قلهم يبعدون , والله بندعي لهم , والله بنشكرهم بس خلهم يذلفون !!
تعرف وش معنى رفعة ضغط !! هم ذولي رفعة الضغط , ورفعة السكر !!
ياخي والله محسن الحارثي ارحم , والله الجهوي ابرك , افتكينا من هم جتنا هموم !!
الى متى ذولي يمثلون العالمي , الى متى هالخقق يلعبون , والله حرام يطقون كوره , والله حرام يلعبون بنادي ولاهوب اي نادي , نادي النصر العالمي !!
فهمهم بطريقتك , علمهم حنا مانبيهم , خلهم يغيبون , وحنا نعطيهم فلوس بس خلهم ياخذونها من روسهم ان كان عندهم روس !!
جيت لمحبيك وياماحلى جيتك , جيت لعشاقك ويامحلى طلتك !!
وربي فقدنا طلتك , فقدنا رفعة راسك , فقدنا لمساتك , فقدنا قباتك !!
ضحاياك يحترونك وينك عنهم وين , يبونك تجرحهم , يبونك تذبحهم , تخيل عاد حتى ضحاياك اشتاقوا لك !!
ياحياك ياسعد , ياهلا بك والله ياسعد , ,
امطرت والله