[نسيم السروات]

[align=center][align=center]

اقتباس: المشاركة الأصلية كتبت بواسطة العــ أبوصالح ــقيد      إنا لله يانسيم إنا لله .. الله يهب لك عافيه وش تالأكلات جبتيها لي وشنهيه المشغوثه ذبحتيني بالجوع حسبي الله عليك .. ذلحين يوم اقول سوي لي عصيده تقولين مطعم العاذريه لا وبعد توصف أعرفه يايخته جنب بيتي بس والله ما اروحه أنا ما احب المطاعم وإذا نويت أتعشى برا لازم ادلع نفسي مثلاً فرايديز اللي على طريق الملك عبدالله أقلك ماقد جربتي العصيده اللي في مطعم السوده إمتداد شارع العروبه والله ياعندهم عصيده ومدفون إنها تقول كلني .. ماعلينا .. نرجع لمحور الحديث .. ذلحين يابنت أقول سوي لي عصيده تقعدين تعطيني مطاعم الرياض انا لو ابغى مطعم ماسألتك إنتي ماخذه المركز الاول في الاكلات الشعبيه وعشان كذا انا ابغى عصيده من يديك إن كان ماعندك مسواط ابشري به عندي مشعاب في السياره سوطي به ورجعيه هاه وش قلتي .. يارب تقول طيب وترسل لي العصيدهـ . بعدين حرام عليك ذبحتي امك بمطعم العاذريه سوي أنتي لايكون المركز الاول من مطعم العاذريه هيا مع السلامة ..

يجعل الله بي عقيدنا نفسه في عصيدة من البارح ما أحد سواها له فين أمك وفين مدامتك مايسونها لك على زوال العدو .
أهأأأأأأأهـ فهمت فهمت الحكاية مو حكاية عصيدة تبيني أجيب العيد وأغلط وأقول مأ أعرف أسوي عصيدة عشان
تفضحني في المنتدى وتقول أجل كيف أخذتي المركز الأول وأنتي ماتعرفين تسوين عصيدة لا يافرخية أعرف أسوي عصيدة وخبزة مقناة بعد. صحيح أن العصيدة تتعب اليد ولكن أسوي صغيرة مهلا حوبي أنا وقحميه .
والمشغوثة هذه طال عمرك أكلة مشهورة عند أهالي عسير كافة وهي تشبه عصيدة العيش عندنا ولكنهم يسوونها باللبن والعسل والله عليها طعم جنان كأنك تأكل توفي سائل أممممممممم .
وتقول ماتحب المطاعم وتعرف مطعم السودة وفرايديز . أما مطعم فرايديز الله ينكبه نكبني مرة من المرات بعد افتتاحه أخذت عيالي وقلت عشاكم الليلة على حسابي وندخل وش ذا الفخامة وش ذا الأستقبال والرفاهية وأخذ كل واحد منيو وطلب اللي يبي وأنا مبسوطة وجتنا ذا الصحون اللي تأخذ العقل بغيت أسالهم من فين جابوها وكل صحن مافيه إلا شوية لواق مايشبع ولا يغني من جوع .
وبعدها جابولي الفاتورة يوم شفتها جتني دوخة بغيت أطيح وصرخت في العائلة وحطيت حرتي فيهم وقلت سيروا قدامي الله يلعني لو عزمتكم على حسابي مرة ثانية ومن بعدها حرمت مطعم فرايد يز .
بعدين قلي وش دراك أنا أخذنا للجنادرية من مطعم العاذرية أمنت بالله خلاص خلاص
بلا فضائح عشان أعطيك عصيدة[/align][/align]
هيا تبايتون على خير . واللي شاطر يعرف رد كلمة تبايتون على خير .