[نايف العمر]

[poem=font=",6,firebrick,bold,normal" bkcolor="transparent" bkimage="" border="none,4," type=2 line=1 align=center use=ex num="0,black""]
كساني الشوق حُرقه يـا حبيبـي ليـن ذقـت الويـل = حبيبي .. طال بي يومـي وأنـا مشتـاق لاحساسـك
هلا بـالليل .. أو تدري !!.. هلا بك لا غمرنا الليـل = هلا باحساسـك وعطفـك وريـح العطـر بانفاسـك
حبيبي .. ليه شمسك ما تغيـب سنيـن لجـل سهيـل = يهنينـي بوصلـك كثـر مـا هنّـت بـه لـنـاسـك
تعال وضمنّي واجمع بحضنـك مـا بقـا بـي حيـل = تعال اغمس جفافـي يـا حبيبـي فـي حـلا كاسـك
تعبت اسهر غيابك يـوم كـان الصبـر لـي قنديـل = وانا أنطر .. متى يصحى وصالـك صبـح نبراسـك
حبيبي .. ما سمعت بقصّة الدمعـه مـع المنديـل ..؟ = تعال أحكي لك القصّه قبـل مـا اضـم لـك راسـك
بـيوم ٍ .. كانت الدمعه علـى خـد الآسـى وتسيـل = حزينه .. جالها منديل .. قال : ارجوك وش باسك ..؟
حكت لـه حيـل بردانـه وكانـت ترتجـف بالحيـل = وقـام يضمّهـا المنديـل ... انـا معطفـك ولباسـك
وقال : ارجوووك يا دمعه ابي مـن بلسمـك إكليـل = تراني حيييل محتاجه كثـر مـا احتـاج لـك ياسـك
حبيبي وآخر القصّـه بـدت تفصـح عـن التفصيـل = تعال نعيشهـا لحظـه علـى الواقـع بـكرّاسـك[/poem]

/

\