[نسيم السروات]

[align=center]

اقتباس: المشاركة الأصلية كتبت بواسطة العــ أبوصالح ــقيد      بسم الله الرحمن الرحيم بدون مقدمات أبدوليه اعلمكم بعلم(ن) هذي ياطوال العمر بنت(ن) أسمها نسيم السروات تقول إنها خذت المركز الاول في الجنادريه (( الله يخلي مطعم العاذريه)) عاد أنا يوم سمعت تالهرجه قلت دخيلك يانسيم سوي لي نتفت عصيده وطاسة مرقة وهبي لي معك شترت خبزه مهلا كنت جيعن وودي اتخفس في المرقة وش أسوي المرة افلحت وخلتنيه وانا ماقلت لتا البنت الإ عقوف مقعد بجوعيه مير إنها أبت مدري عقوف ايشن عاد انا عرفت إنها ماتعرف تطبخ مهلا تتنيفش قدامنا وهبولي شهادة وطلعوا أسمي في الجرايد ياما من الكذاب جوف راسها المهم والله ماقعدت في حراها خطرة وساع ماقالت لي ما بهب لك شئ نزلت بجوعيه أتمشى في طري الملك عبدالله والقى تيك الكلهة انا فدى خشمها شافت وجهيه اصفر(ن) من الجوع قالت وش عبابك تضيعه قلت والله ياجده شئ بنتن عندنا عيت تسوي لي عيشه قالت لي الكهله وإنت وش ماتروح تالمطاعم ماكثر الله الإ نعمت ربي ,, قلت ياجده انا فديتك أنا ودي بعصيده وإن كان شئ شترة خبزه مقناه .. أثر الكهلة تيه طلعت زهرانيه وخذتني على البيت عندها وسوت تيك الخبزة المقناه والسمن المرقة وهبت لي عصيده والله يازينها زينها وطعمها باقي جوف حلقيه قالت لي كلمه وعرفت إنها مجدها تقول بنات الزمن ذيه مايعرفون يطبخون الله يخلي لهم المطاعم ونسيم اللي تقول عنها تيه أعرفها أشوفها كل يوم في مطعم العاذريه .. عاد أنا وقتها عرفت الجايزه ليشن جات عاد انا مانسيت أصور لكم منظر الخبزة والعصيده الله يخلي لي تاك الكهله .. هيا ألمحو في الصور بس لا تفغرون ,, تيه العصيده وتيه الخبزه في مان الله ياحبانيه وتبايتون على خير

هههههههههههههااااااهـ يامسكين فرحان (وباز بروحه) كلمة نجدية . لو تدري وش القصة
ماتفيخرت وتكيوشت وطلعت الصور

هيا أسمعو يا أخوان القصة كاملة عشان تعرفون الورطة اللي وقع فيها العقيد وهو مايدري

الكهله ياعقيدنا هي جدتيه الله يحفظها كانت عندي في البيت وطليت أنا وهي من الشباك عقوف نتفرج
عالمطر لأن الجو كان فيه عينه وشوية غبار مع رشاشاً خفيفاً . وشوية الرحمن وإلا أنا بذاك
الرجال يمشي ويتلفت في الشارع ورابطاً على بطنه حجراً من شدة الجوع.
مدري وش يدور كنه يدور مطعم شعبي لكن ماعرف الطريق
تفطنت في وجهه قلت والله أن ذاك الوجه ماهو غريب كأني شفت صورته في منتدى زهران
قلت لجدتي عرفته عرفته ياجده ذاك العقيد أبو صالح قالت ومنهو العقيد يابنتي
قلت لها واحد ياجدة من أسبوع يبغاني أسوي له عصيدة ورفضت وشوفي ياجدة كيف جوعا
ووجه اصفر أخذت جدتي عصاتها وعبت لي ملاها مرتين وهي تقول غربي غرب الله عليك هويه يابنتيه
تخلين الرجال يموت من الجوع ماهي من عادتنا ولا تقاليدنا فعلتك هذي
قلت لها هيا ياجدة روحي أعزميه وتعالي به في المجلس وأنا باروح أولع قبسيه وباسوي له عصيدة وخبزة مقناة لأنه طلبني بعد شترة خبزة ودعينا جدي وذبح لنا ذاك التيس وطبخناه وحطينا له تاك العصيدة اللي في الصورة
مع المرقة والخبزة المقناة مع السمن والعسل وين صحن المفطح ياعقيد ليش ماصورته كان جنب العصيدة سبحان
من حبه في العصيدة والخبزة نسي الكبسة مع المفطح ماصورها
هيا ماعلينا . المهم جلس العقيد على السفرة وأكل لين بغى ينفجر وقام وحب على رأس جدي وجدتي وراح
طبعاً أنا قلت لجدتي لا تعلمينه أني أنا نسيم عشان يمحدني في المنتدى وهو مايدري
هاه شفت ياعقيد وش رأيك في خبزتيه وعصيدتيه عساها أعجبتك ؟ أكيد أعجبتك بدليل الصحون
اللي رجعت فارغة.
ياويلك لو تنكر أني أنا سويتها جدي وجدتي كانوا شاهدين هيا أعقل وطلع لي شهادة شكر وتقدير
وما شاء الله عليك ياكت كاته والله قالتها كيف طلعت لك كهلة زهرانية كيف الصدفه
طبعاً عزيزي مافيه شي صدفه الحكاية متكتكه وأنت ماتدري.
هيا لا عاد تعودها .

وهذي رويتي وعفاكم ،،،،،[/align]