يادار
السلام عليكم ورحمة الله وبركاته
واسعد الله مساكم وصباحكم بالرضي والعا فيه
هذي اول مشاركه لي بهذا القسم واتشرف به وانا ماني غريب انا واحد منكم واتمنى ان تصل القصيده
الى ذايقتكم
يادار ماني غايب(ن)عنك يادار
يادر تبقى وين مارحت داري
على ايش تتعذب على ويش تحتار
السالفه يادر ماهي خياري
مابعدتنا الا صواديف الاقدار
حكم الزمن يادار شي(ن)جباري
فرقاك في قلبي توقد كما النار
مفعولها في داخل الروح ساري
لك أتذكر وانشد الحي والجار
يعطونك المضمون لو منت داري
ماكن قلبي الا يقطع بمنشار
والا سوات اللي بمركز شهاري
دايم مهوجس فيك في ليل وانهار
ماعاد نعرف ليلنا من نهاري
ماني بجافي صابر(ن)صبر بحار
للخير قبل الشر لا شك حاري
من بعدكم تايه معذب ومنهار
اضيع وافرح لا لفى عنك طاري
اغليك واحبك ولو صار ماصار
رغم الغلا والحب فعل انتحاري
انا لك المحبوب والا ولد بار
خاضع لحبك يامني واليساري
لك ماسكن فيني ولك كل الاسرار
ولك الهجوس اللي مع اليل ساري
وان كانها ضاقت بعينيك الاقطار
فانا بعيني ضاق كل المداري
ماكل من هو غاب خاين وغدار
ولا كل من هو جاك لجلك يداري
لولا المعيشه ماتلمست الاعذار
ولو لا الغلا مافي وصوفك نماري
ياجعل تعقبنا هذاليل الامطار
الين مايروي الجبل والصحاري
واختامها صلو على سيد الاخيار
على محمد سيد كل الخياري
|