[نسيم السروات]

اقتباس: المشاركة الأصلية كتبت بواسطة العــ أبوصالح ــقيد      بسم الله الرحمن الرحيم .. نسيم الله يهب لك عافيه ... السبت نفس التاريخ اللي فوق ,,, قبل كل شئ أبغى أقلكم أني عزابي المدام راحت وخلتني .. وصلوح فديت صلوح اللي يصحيني كل يوم بكلمة بابا ياربي يسعده وربي البيت بدونه ولا يسوى << ودي بأغنيه حزينه .. حتى امه أشتقت لها يوووووووووووووووووووووه << لا تشوف كلامي وبعدها يصير علوم نرجع .. الصباح الله يغفر الذنب ماصليت الفجر الإ بعد ماصحيت للدوام << هذي حياة العزوبيه ومافي صلوح يخليني انسى النوم المهم طبعاً وبما اني عزابي .. لازم قبل ما انام أكلم 15 أو 16 من اصحابي يدقون علي يصحوني للدوام .. عاد ماقصروا دقوا علي الساعة 7 ولا صحيت الإ الساعة 7ونص بإنقاذ من إتصال سريع عاد انا ماضحكت الإ من واحد حصلته مرسل لي رساله يقول فيها (( عبدالله قوم للعمل )) إخس ياللي بيصحيني برساله انا الجوال يالله يشفر معي مايهم دقيت عليه وضحكت عليه شويات قال والله ما كان ودي ازعجك << زاد ضغطي برده .. بسم الله عليه قال مايبغى يزعجني قال.. المهم صحيت توضيت وصليت ودعيت الله باللي في بالي شغلت الموتر .. طبعاً ربع ساعه تحميه أقرب بوفيه فطور على السريع << مسكين يالعزوبي رحت الدوام وصلت الساعه 8 الصباح .. الساعه 11 وانا طالع << ياحبي للإستئذان خلصت الاعذار حتى أخر عذر قال المدير وش فيك قلت فيني نوم .. قال رح رح اصلاً إنت رايح حتى لو ما سمحت لك .. أبتسم وابتسمت وعلى السياره .. وآآآآآآآآآآآآآآآآآآآآهـ من زحمة طريق الملك فهد وجدي خريص وآآآآآآآآآآآآه من حرارة الشمس حاط في يدي مناديل عشان امس الدركسون شوي وبيتقطع .. المهم .. وصلت البيت ... صليت الظهر ,,, وحطيت راسي .. صحيت قبل المغرب بدقائق .. أبوووووووووووك يالعزوبيه ... طلعت أتغدى عند واحد من اصحابي غدى بعد المغرب << شغل المصلحه .. المهم صليت العشا .. وعلى طريق الملك عبدالله ومن هناك على العليا ومن ثم على التحليه .. عاد في نهايه التحليه في كوفي إسمه صدى التحليه اووووووووووه ياعنده (( ترميسو)) من جد إدمان .. أخذت لي واحد مع موكا حار ,,, ومعها ثلاث لفات في شارع التحليه .. عاد شفت لي شوفه كان كان خلوني اكمل يعني ماتعرفون التحليه كملت كان عندي أغراض في حي المرسلات خلصت اشغالي .. دق علي واحد يقول أبغى سلف 5 ألاف .. قلت عندك سلف 200 المهم بعدها دق علي واحد من الشباب يقول أبغى اقابلك ضروري ... طلعنا الساعة الان تُشير إلى 11 ونص .. تمشينا في طريق الملك عبدالله مع لفه على الممشى .. بعدها رحنا على مطعم العاذريه نتعشى عصيده << أقسم اني امزح أبووووك يالمزاج عصيده عاد .. لا تصدقون عاد انا احب العصيده بس في الديره بس .. اما عصيده المطاعم هويه يايبه عاد أذا نسيم بترسل لي هذا شئ ثاني ,, تعشينا عشا خفيف على الماشي من طريق الملك عبدالله وصلت صاحبي .. أخذت لي لفه في مكان ما شئ لابد منه رجعت البيت .. فتح الجهاز .. أول ما افتح الايميل اوف من الموجود فيه احد نضحك معه ... أفتح الأيميلات الثانيه الله يخلي ماسنجر بلاس .. لو تبغى تفتح عشره لا تفهمون غلط بس تعرفون فيه ايميل عائلي وفي أيميل للعمل وفيه للأصدقاء .. عاد فيه أيميل ل .. << ياشين اللقافه خصوصيات خصوصيات ,,, المهم جلست أقرأ بعض الرسايل .. وأفتح منتدى زهران .. اتصفح شويه رديت على كم موضوع .. أفتح الرسايل الخاصه .. أرد إذا فيه رساله تستحق الرد أحذف بعض الرسايل مسكت الجوال توي قبل شوي .. دقيت على أخوي أحمد في نيوز لندا أصبحت عندهم .. كيف الحال وش الأخبار .. هذي حياتي وهذي أختياراتي وهذي علومنا وسلامتكم ... الإ أقول ماودكم تدقون عليه الساعه 7 تصحوني للعمل شكل ماهناك نوم الإ بعد الصلاة عاد اللي أبغى أقلكم عليه لا تدققون في الإملاء مره اكتب بيد وحده واكلم ومره اخبطها يمين ويسار ,, كان قهرت ,,, فمان الله نسيم الله يسعدك أشغلتينيه شويه ..!

[align=center]


أما أنت ياعقيدنا الغالي مدري من فين أبدى معك ومن فين أنتهي
لفيت بي الرياض كله دوختني ماشاء الله عليك .
طبعاً هذا حال العزابي ( في غيبة البس العب يا .............)
شفت كيف أنتم يارجال ماتتحملون العزوبية تخرب طبعاعكم ( سعسعه في شوارع التحلية ، ونوم عن الصلاة والدوام ، وأكل مطاعم 0إ000000 إلخ بصراحة البيت من غير مرة مقبرة .
بعكس المرة إذا صارت عزابية ربي يسعد قلبها كماية أنا حرة النسوان <<<< مغرورة شوي>>>>>
والله أني أغلب أيامي عزوبية لأن أبو العيال دخل في أعمال البزنس وماعاد نشوف وجه إلا كما الضيف
وأشتغل شغلي على شغله أوصل العيال المدارس < طبعاً مو أنا اللي أسوق السيارية باقي ماسمحوا>>>
واقضي للبيت وللعيال وأدرس العيال واواواواواواواو 00000إلخ والشكوى على الله ماعلى غيرة مشكى
وأخاف أنه متزوج علي 3 حريم بالمسيار وأنا ياغافلين لكم الله مع أني دائم أخوفه ببرنامج عندي في
الجهاز أسمه ( قوقل إرث) ووريته أني قاعدة أتابع خط سيرة من ساعة ما يخرج بسيارته من البائكة إلين
المكان اللي يقصده واللي خلاني أشك فيه أني يوم وريته البرنامج خاف وتغير وجه وشكله يأخذ ليموزين
(أسمعوا ياحريم أستعملوا هذا البرنامج تراه حلوا في مراقبة الزوج بس لاتخبرونهم زيي أنا غبية علمته وقام
يتصرف )

بعدين تعال تعال ياعقيد الزهارين كشفتك وشفيك ماتبغى الحرمة تدري أنك مشتاق لها هذه بعد من مساوئكم يارجال
الواحد منكم يموت حباً في زوجته ومع ذلك عنده عزة نفس تهد جبال وما يتنازل يقول أحبك إلا إذا كان فيه
مصلحة فقط وإذا راحت المصلحة البوز شبرين
وين الحنان وين الرحمة وين الماوية .
أنا زوجي ما أدري أنه يحبنى إلا من الناس يقولون لي حريم زملاه والجيران
أن زوجك دائم يمدحك ويثنى عليك عند رجالنا وهو حضرته لا قلت له تحبني
قال بكل برود ليه فيه أحد قال أني أكرهك . أقول مالت بس مالت عليكم يارجال الغزلة .


أخي العقيد أشكرك من كل قلبي ورجع أم صالح لبيتها الله لا يحرمك منها .
وسلم لي على صلوحي ياقلبووو يصحي أبوه لصلاة .[/align]