[العندليب]

اقتباس: المشاركة الأصلية كتبت بواسطة نسيم السروات      [align=center]بسم الله الرحمن الرحيم في البداية : نسيت أذكر أمس أني عملت تجديد لموعد ولدي الصغير في مركز الأمير سلطان لمرضى القلب حيث عملوا له موعد يوم الأثنين بتاريخ 16/5/1430هـ الساعة 9 صباحاً عيادة / قلب أطفال مبني 100 المستشفى العسكري أبد مافيه حاجة كان عنده مشكله بسيط في القلب وشفي منها ولله الحمد أنما لازم يأخذ موعد كل سنة للأطمئنان فقط <<< من سألك . مذكرة اليوم : الأحد الموافق 32/ 4/1430هـ 19/ مارس إبريل 2009م صحيت اليوم كالعادة الساعة الخامسة صباحاً وصليت الفجر وقمت بإعداد الفطور طبعاَ فطورنا جميعاً موحد كنتري كورن فلكس مع الحليب ومحلى بالعسل ذهب الأود لمدارسهم الله يحفظهم مع والدهم العزيز وبقيت أنا بعدهم حيث أن دوامي مايبدأ إلى الساعة 8 صباحاً وأستغل هذه الفترة في ترتيب أسرتهم ثم أبدى في تجهيز نفسي للذهاب للعمل بعد ذلك يرن جوالي رنه واحدة تقول أن السايق عن الباب ثم أخرج للدوام والطريق طويل من بيتي إلى كليتي لدائري كله أخذه وأحياناً يجينى أحلا نعاس في السيارة وأخذلي كم غفوة حتى أوصل ومرات كثيرة يوقف السايق عند الباب ويحتريني أنزل وأنا في أحلى نومه ويقولي مادام اسفيه أنتي مايبقى دوام وأقوم أفز فزة مرعبه وأقول ليه وأنت وش دخلك تسأل طبعاً أبغى دوام أجل ليش جيت هنا ما أبيه يدري أني كنت نايمه حسبي الله ونعم الوكيل. وعندما وصلت الكلية ودخلت حصلت المدخل مليان أجهزة غريبة وكراتين حليب وبروشورات في أكياس ودخلت مكتبي وأستقبلوني زميلاتي الله يسعدهم سلامات سلامات ليش الغياب خبرتهم بالسبب وسالتهم وش سالفة ألأجهزة والحليب اللي عند المدخل قالوا لي أن اليوم سوف يجينا مندوبات من شركة تغذية ( خبراء في تغذية العظام ) وسوف يقمن باجراء فحص لكل واحدة منا للكشف عن نسبة هشاشة العظام عند كل سيدة فخرجنا جميعا للساحة الخلفية حيث أعد مكان مظلل لهولاء الخبيرات وعملن لنا الفحص عبارة عن جهاز موصل بالكهرباء تضع كل واحدة قدمها اليمنى وبعد مرور دقيقتين تظهر النتيجة وكانت نتيجتي وسط 45% ولله الحمد هذا وأنا ماعندي سوى 3 عيال أجل وش لون لو أن عندي 10 كيف اكون وبعد ذلك يسوون لنا كل واحدة كأس حليب من حليب جابوه معهم يقولون أنه فعال جداً في القضاء على هشاشة العظام وهو حليب ( أنلين ) من نيوزلاندا وطعمه مو شين يشبه طعم حليب بقرة جدتيه الله يرحمها زمان.في الديرة. رجعت لمكتبي وفتحت الجهاز ماعندي شغل لهذيك الدرجة ومن سوء الحظ أن مكتب رئيستي في المكتب جنب مكتب أبي أفتح النت وأخاف منها مو خوف لكن أستحي منها وأقدرها لأنها بصراحة إنسانه تستحق التقدير وعلاقتي معها مرة تمام كأننا أخوات فتلاقيني كلما خرجت من المكتب تروح للعميدة أو مكان ثاني أفتح على موقع زهران أو أي موقع أنا مشاركة فيه على عجالة ثم إذا دخلت حطيت تصغير صفحة وهكذا علماً بأنه أنا الوحيدة المصرح لها بأستعمال النت. وجاني رقم سري فقط من أجل إدخال بيانات ( عمل معين ما أحب أصرح به ) لأني لو صرحت الكل عرفني ههههههه بعد إنتاء الدوام هلم طوابيييير على جهاز البصمة الساعة الواحدة ظهرا والكل على بيته . وصلت البيت الساعة 30ر1 وعندي نظام في البيت ممنوع الغداء ثم النوم بعده أولاً النوم حتى أذان العصر ثم يقوم الجميع ونتناول طعام الغداء وبعدها كل واحد يقوم يشوف أمورة ومذاكرته مو زين الواحد يملاء كرشته ويروح ينام أحسن شي يجي الواحد تعبان يغير ملابسه ويغسل ويروح يرتاح أما أنا فعليه عنيه أنام فقط نصف ساعة وأقوم أسوي لهم الغداء وأصحيهم يصلون ويتغدون . واليوم مارحت النادي جلست مع العيال وجلست معهم الجلسة اليومية كل واحد يحكي وش أخبار المدرسة بنتي تقول باب الفصل تسكر علينا وأنكسر بعد مقبض الباب وجلسنا حصتين ما أحد فتح لنا وبعد ما فتحوا قمنا سكرناه عشان بكرة مانأخذ شي ونجلس نلعب . قلت لها برافوا عليكم شو دوافير. وولدي الصغير يقولي يمه عندنا ولد وسخ ماتربى عنده جوال وفيه مقاطع وسخه جالس يوريناها قلت له من بكرة تروح ياحبيبي للمشرف الطلابي وتقول له على الموقف لا تسكت أبداً وش هذه مدرسة وإلا أيه حسبنا الله ونعم الوكيل . ناس تعطي أولادها جولات وتتركهم بدون رعاية ومراقبة . ثم قال لي ولدي طبعاً في الأبتداي توه صغير الأستاذ ياماما يقول لنا بكرة بنسوي حفله صغيرة أنا وأنتم في الفصل ولا أحد يدري ولا حتى المدير وكل واحد منكم يطلب من أمه تسوي له صينية حلى أو فطاير وتجون نأكل سوى ونهيص في الفصل شكله عزوبي زي العقيد أبو صالح قلت حشى وش ذا المدرس قالبها بوقيه مفتوح والله مايذوق مني إلا حبتين توست محشية تونه ومايونيز وخس أما أسوي له صينية يكثر منها . المهم وبعد صلاة العشاء نزلت أنا وولدي الصغير السوق يبي له شريط بلايستيشن عشان جاب 1 11 1111في الشهادة وصار ولدي بسم الله عليه عميل لكل محلات السوني في الروضه . وبعدها رحت أنا وهو مرينا محل الفالح للرياضه وشرينا ملابس رياضية وعندهم ملابس سباحة نسائية في الدور الثاني مرررره روعه اللي سادة واللي ملون ومشجر ثم رجعنا البيت وعشيتهم ساندوتشات مشكلة وعصير طازج وناموا وأخذت جهازي وقمت عاد أكتب في البداية ردود ثم جلست أكتب هذه المذكرة . وبدأ النوم يداعب عيوني ثم بدأ يخمل يديني . وتصبحون على خير .[/align]

ماشاء الله عليك يانسيم حرهـ ..!
بس لو إنك تهبين لي فطور معك وترسلين به السواق ..
تصيرين مامثلك في زهران ..

يارب يارب يروح زوجك العمل ..
وتقومين وانتي ميته من الجوع
ونفسك في كبسه
وتريخين الدجاجه
وتحمرين البصل
وتقطعين الطماطا
وتغسلين الرز
وتجهزين البهارات <<< يعرف يسوي كبسه
ويوم تخلصين كل شي
وتجين تفتحين الغاز
تلقينه مخلص
وتتذكرين إن فيه وحده ثانيه
وتروحين مسرعه من الجوع
وماتلقينها
وتفتكرين إنك أعطيتيها واحده من جيرانك ..
وتمسكين جوالك تدقين على زوجك
وتحصلين جواله مقفل << يمكن يكون عند مرته الثانيه

وبعدها تقعدين بجوعك


هيا سوي لي عصيده وأسحب كلامي


نسيم الله ينور عليك أمزح معاااك ..
بس دايماً تعجبني سوالفك خصوصاً في قسم الإستراحه
وأول ما ادخل أقراها كلها


النوم جا وذبحنيه الجوع

كم رقم توتي بيروتي << مخزن في جوال المرهـ