المشاركة الأصلية كتبت بواسطة الســرف
اليوم كان " زفت " والحمدلله الجو عندي غائم الى غائم جزئي مع عواصف بالمخ وشوية تتنيح .! صحيت الساعه 4.50 دقيقه كالعاده لصلاة الفجر رجعت وضرب مفاصلي الكسل وماقدرت اسوي رياضه فطرت وانا اتصفح النت وسولفت شوي مع واحد بالماسن حتى الساعه 7 ..اخذت دش لبست وطلعت للدوام وصلنا للعمل ومشاكل الله لايوريكم رفعوا ضغطي اسأل الله لايحرمهم جزاء مافعلوه بي .! تعرفوا لما مديرك يخلّي اذنه " اذن فيل " قيل وقال ونميمه ونفاق وحسد قلت له كل هالشائعات الرائجه وكل هالجيش من المنافقين من بركات إدارتك اذا جاء احد وقال لك كلام اطلب منه الجلوس ثم اطلب من تكلم فيه وواجه بينهم وبهذا الشكل يعرف كل انسان حدوده.! ومن ينقل لك ينقل عنك .! انتفخ خشمه وتورمت ذاته اعطيته ظهري ومشيت المهم رجعت وقفلت باب مكتبي وجلست دق التليفون حتى انبح صوته الجوال 20 مكالمه ولا لي خلق اكلم احد انتهى الدوام وخرجت اتصلت عالبيت قلت شوي بتأخر ورحت الهليتون عند زميل وصديق اخذت لي كابتشينو وجلسنا نسولف شوي ونطالع في الحرم صليت المغرب هناك عشان بس ارجع رايق وبس ...!