المشاركة الأصلية كتبت بواسطة العــ أبوصالح ــقيد
الأثنين 24 / 4 قبل كل شئ شوفوا تاريخ نسيم حق امس 32أول مرة اشوف32 يوم في الشهر شكلها لسى مارجعت من فرنسا طيب طيب ماعلينا نرجع لمذكرتي ,, روتين ممل حطيت راسي الساعة 3 الفجر أبغى انام بس مافي امل الفكر شارد وخذ لك من أحلام ورديه حاولت مافي امل يجي النوم ,, ماعلينا فتحت الجهاز حبيت أسلم عليكم في منتدى زهران مارضى يستغل معي الدي أس أل << هذي هي شركة الإتصالات قفلت الجهاز واخذت لي لفه على السطح طالعت في القمر وكم بيت شعر على الطاير رجعت على المطبخ كاست حليب مع شوية شوكلا رجعت أبغى انام الساعة 4 ونص أذن صليت ورجعت أبغى أنام الجوال يدق صامت نمت بعد عناء وتعب مصاحب للأرق .. ياشين العزوبيه حطيت المنبه الساعه 7 ماصحيت الإ الساعة 8 ونص .. دقيت على واحد من اخوياي في العمل هاه وش عندك اكيد بتتأخر قلت أيه انا رايح أجيب الوالده من المطار مسكينه هالوالده عندي كل شهر لازم أجيبها من المطار ولاعمرها طبت الرياض يالله مايهم عاد انا ادق على خويي وانا في البوفيه أفطر دايماً تصير معي هالحالات وقت العزوبيه وصلت العمل حصلت اخوياي يفطرون طبيت معهم << قولوا ماشاء الله كالعاده سواليف وضحك وهروج شاهي عمل رجعت البيت بعد الظهر لا غدى ولاهم يحزنون فتحت منتدى زهران لفه سريعه وكم منتدى ثاني خلصت كم شغله في النت نوم صحيت المغرب قافله الاخلاق روتين ممل وحدي في البيت حنيت لكلمة بابا فتحت الثلاجه تغديت فواكه أذن العشا صليت ودقيت على واحد من أخوياي عازمه في مطعم الرافدين << أف ياعندهم مشويات تعشينا وعينا من الله خير ..! محل معتاد اخذ منه حلا مع كم لفه كرهت البيت ماودي ارجع رجعت وهذا انا بينكم يارب لما ابغى انام يجي النوم ..! وبس,,!