رد: مذكرات الأعضاء (سجل ذكرياتك هنا )
انا كل يوم اجلس اتفرج في هذا الموضوع ومااشارك
مذكراتكم طويلة ليش كدة
ذكريات ساعات ولاايام
الموهيم عارفة اني منورة الموضوع ياختي عليا
انا ليا كم يوم تروح عليا نومة ومااطبخ الله يخلي امي الحبيبة
واليوم قرقرت اقصد قررت اطبخ طلبت من وحدة عزيزة تصحيني الساعة 11من النوم تعطيني رنتين ولا قد ماتقدر
لاني كل يوم اسك الساعة وارجع اكمل نوووم
اليوم قلت لازم اشمر كمي
دقت عليا الاخت في الله سكيت في وجهها احسبها الساعة والله اسفة يا عزيزتي ماكنت ادري عن نفسي عيوني مزغللة
وبعد اصرار وتردد ومضاربة مع النعاس والمخدة شكلها ونعومتها تقولي ارجعي ياشيخة ريحي عمرك
لكن فزيت زي الغزال ههههههههههههه بسمالله عليا
ورحت المطبخ حطيت الشاهي على النار
جاني الجواب زي الكف على الوجه ((مافيششششششششششششششششششششش غاز)) حلوووووووووووووووة
ايش الحظ النحس هذا بصراحة البيت كله مافيه غاز والميكرويف عند الباش مهندس
من فين اجيب ناااااااااااااااااااااااااااااااااااااار ياربي كيف اتصرف ناااااااااااااااااااااااااااااااااااار يا حبيبي ناااااااااااااااااااااااااااااااااااار
صرت اردد اغنية عبدالحليم دايما اغانيه ارددها وقت الازمات لانها في محلها
فجاة خطرتلي فوكيرة تجنن
الشواية عندي شواية كهربائية حطيت براد الشاهي عليها واستنى دقيقتين ربع ساعة نص ساعة مافي امل يغلي
زودت درجة الحرارة وربي حالف مايغلي ولا ينشوي طيب ايش الحل
شلت البراد قلت عساني لاشربت شاهي
قطعت الدجاج على اساس اسوي ساتي تعرفوا الساتي اللي هو شيش طاوووووووق
مافيني اقطع الدجاجة اكتفيت بتقطيعها قطع كبيرة
وتبلتها ورصيتها في الشواية
قلت على مهلك
طيب الرز كيف اسويه كيف لازم رز ابيض
على الشواية ماراح يستوي
دقيت على المنقدة مرة اخويا في نفس بيتنا في الدور الثالث
قلت لها ماعندي نار تسلفيني قالت كيف ممكن اساعدك
قلت لها سوي رز وانا سويت دجاج
وبنت الكرم وافقت ربي يسعدها ياختي عليها
واستوى الدجاج بشكل سريع عكس الشاهي
واتغدينا ولله الحمد والمنة
وعوافي عليكم
ـــــــــــــــــــــــــــــــــــــ
|