[نسيم السروات]

[align=center]بسم الله الرحمن الرحيم

اليوم 25/4/1430ه الموافق 21مارس إبريل 2009م

مذكرة اليوم
لا جديد على الساحة:

طفشانه وضايق صدري مدري ليش وللي زاد الطفش عندي
وخلاني ما أحب اكتب شي اليوم أن اولدي الصغيرتضارب مع أخته
وكل شوي يتناقرون وأعطيتهم كم فرصة وضيعوها فقمت عليهم
وحطيت طفشي فيهم وكل واحد أخذ مني علقه حلوه وأنا تراني والله
ما أضرب إلا في الوقت بدل بدل الضايع لكن زهقوني من اليوم بدأو
فين نروح في الإجازة فين نروح في الإجازة ويوم قلت مافيه روحات
إلا هنا في الرياض قاموا على بعض كل واحد يفش غله في الثاني
ويمكن من أسباب طفشي بعد أني أنتكت الراتب كله مابقيت إلا حق
فاتورة الجوال . راح الراتب في جمعيات وأقساط ورواتب عماله
الله يخلف علينا .
هيا باروح أنام حتى النامس تمصمص دمي كله وأيديني كلها بقع حمراء

ماغير أعترش كل شوي في جلديه وش الله حدني كلكم نايمين وأنا أكتب
تصبحون على ألف خير .[/align]