[عســآف]

[align=center](( مملكة شعري ))[/align]



[poem=font="Traditional Arabic,6,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
النار تاكل فالحطب والحقد ياكل فالصدور = لني تركت اهل العقول الخاويه وحوارها
ماهوب لجل الغطرسه والا على قلبي غرور = الا احترامي للعقول اقدره بافكارها
تاجير عقل ومهزله في سوق يدعو للنفور = ومن قبل لا يشره علىّ يشره على تجارها
من سين صاد السالفه دفنتها تحت السطور = لانها لو طولـّت نشرت كل اخبارها
ياخال ..تدري خلها ايام والدنيا تدور = واللي ورى عوج الضلوع الله عليم اسرارها
ما كل طير ٍ بالسماء يعدّ من ضمن الصقور = وما كل لحيه تستحي لاجيتها في دارها
بعض اللحى ما ينحشم لو كان يملك له قصور = وبعض اللحى من فقرها تزيد في مقدارها
ديره تمّر بأرضها تفرش لك دروبك زهور = وديره على طول السفر ما قدّرت من زارها
ياخال ما جيتك هنا الا وانا قدّ الحضور = واليا حضرت بساحة ٍ سلـّم على شعارها
في مملكة شعري ملك واحكم على جزل البحور = اسرج اصيل المفرده ويعج عطر غبارها
من معركة غربة سنين لمعركه باقصى الشعور = ياكم مدينه للشعر جيشي يّدك اسوارها
تبقى عليها بصمتي ذكرى على مرّ العصور = واقوام في تالي الزمن تبكي على أثارها
واليا تعزوى خاطري ما جاك يالخاطر كسور = تفزع قبيله كامله بصغارها وكبارها
زهران والبيضاء لهم ذولا طويلين الشبور = يشوش راسي باسمهم والجن يلعب طارها
ولا احس اني ضعيف الا اذا شفت القبور = العين غيمه للندم والدمع جاء مدرارها
يوم اتخيل حالتي في يوم بعثه والنشور = وكل الخلايق شاخصه يمّ السماء بابصارها
وش موقفي فوق الصراط ورجفتي عند العبور = ولا معي غير الذنوب اللي حملت اوزارها
يالله هونها على لا حشرجت وسط النحور = واضحيت روح ٍ فانيه مستسلمه لاقدارها
ويالله تغفر ما مضى ولا رجيت الا الغفور = وتغفر لابي وامي بعد وتجيرنا من نارها [/poem]


[align=center]عسآف[/align]