[شذى الريحان]

اقتباس: المشاركة الأصلية كتبت بواسطة نسيم السروات      بسم الله الرحمن الرحيم اليوم الأربعاء 26/4/1430هـ الموافق مارس إبريل 2009م مذكرة اليوم : اليوم حافل بألاحداث المثيرة والكثيرة أصبحنا وأصبح المك لله أصبحنا اليوم مبسوطين فرحانين بالإجازة طبعا إجازة نصف الترم العيال الصغار غابوا اليوم بأمر من المدارس ولكنهم صحو ا من النوم كعادتهم . وأكبر حدث صار اليوم في تاريخ عائلة نسيم السروات هو الحادث المروري الذي حدث في درج بيتنا للزوج العزيز نزل أخينا في الله من الدور الثاني وهو لابس ملابس العمل وفي يده وأنتم بكرامة جزمته ونحن كنا جالسين في الصالة تحت وفجئة شفت حاجه تزحلق في الدرج والتفت إلا بهذا محضر في ثوان عندنا تحت طحس وتقعبص طول الدرج كأن المنظر يفطس من الضحك ولكني تمالكت نفسي عن ضحكة لو أنفجركان سمعوها من العليا والصغار يصيحون بابا حبيبي سلامتك سلامتك بابا بابا وخافوا عليه أما ولدي الكبير يوم طالعت في وجه وجدته مغشي عليه من الضحك ولكن بدون صوت قلت له عيب ياولد تضحك على أبوك مسكين شكل خوشه أنكسر وأنا فيني ضحكة الرجال سمع كلمة أنكسر خوشه أنفجر يضحك ويدهف فيني ويقول الله يكسرك خوشي سليم المهم ساعة ما طاح فزعت له ماوقع إلا وأنا جنبه وقام بسرعة زي الحصان مايبي عياله يشوفنه وتكى على كتفي حسيت أن كتفي دخل في جنبي حتى جلست طول اليوم وكتفي مائل وسبب طيحته شراب يقول أنه شراب حرير أول مرة أسمع أن فيه شراريب حرير زلق به من فوق رخام الدرج. عاد هو ماصدق أنه طاح وقال أنا باغيب عن الدوام مع العيال هيا غيبي معنا قلت له أسفه ما أقدر أغيب عندي شغل لازم أخلصه اليوم . رحت ا لعمل و قهاوي وحلا ووناسة وفطور من رئيستا مرررررررة لذيذ وعند التاسعة قام جهاز المنادات يقول أن هناك محاضرة عن طفل التوحد من اكاديمة لتربية الخاصة وهناك مندوبتين يديرون الحوار رحت وحضرة المحاضرة وبصراحة شفت مناظر تحزن وتقطع القلب عن طفل التوحد وتصرفاته وتعلمت الشي الكثير وسوف أدونه لكم بإذن الله في الزاوية التي تخص هذا الموضوع رجعت المكتب وجانا الخبر التالي : ترا يابنات مافيه إجازة الكلية ماتقفل كالعادة ماتقفل إلا في العيدين فقط وسوف نجعل الأسبوع القادم مناوبة بيننا واللي تبي تدواوم يجيها بدل اليوم يوم واللي ماتبي مالها شي. شوي وجانا أتصال من كلية أخرى وقالوا لي زميلاتي هذه الدكتورة فلانه الزهراني تبي تكلمك كلمتها وعرفتني عن نفسها طبعا لا أعرفها ولا تعرفني ولكنها قالت لي أني شفت كتاب في معرض الكتاب وهو من تأليفك وحبيت أتعرف عليك قلت لها تشرفت بمعرفتك يادكتورة ........الزهراني وأبشري بنسخة من كتابي أرسلها لك قالت لا ترسلينها أنا باجيك زيارة بس أنا الأن في إجازة أمومة وأنا أحس أن المسأله فيها شي مو بس كتاب والله أعلم . رجعت البيت حوالي الساعة 30ر1 ظهرا لقيت أبو ألشباب جايب غدى من المطعم وتغدينا وفليناها وبعد المغرب ودينا العيال عند أخوالهم والأب راح الأستراحة كعادة سموة كل اربعاء وأنا رحت لمركز سلمان ومشيت أربع لفات على المضمار وهي تعادل 2كم وبعدها دخلت صالة الأجهزة وااااااااااااو الأجهزة فاضية مافيه إلا عدد قليل وصرت زي الطفل لاشاف ملاهي مايدري فين يلعب طبعا اليوم الأربعاء يخف المركز بسبب الزيارات والطلعات إلآ كل يوم حجز وطوابير على الأجهزة وبعدها مريت الدايت شوب في نفس المركز وأخذت منهم فطيرة سبانخ مع عصير برتقال فرش ورجعت بيتي وها أنا على هذا الجهاز جالسة أكتب مذكرة اليوم . ومافاتكم اليوم تدركونه غداً . وتصبحون على خير

سلامات
اللي بالاحمر قصدك اتحدر واتعنقل
ولاشي ثاني