المشاركة الأصلية كتبت بواسطة العــ أبوصالح ــقيد
بسم الله .. مذكرة جديده بمكان وزمن أخر.. الأثنين .. طلعت الساعة 11 .. طوط طوط طوط طوط طوط طوط طوط هذه الطوطه هي جرس السياره أخوكم في الله ماسك خط الرياض ومتجة إلى الطائف الحمد لله الخط وناسه ماغيرأنا وقسوة محمد عيده شوي البرواز يتغيرالمزاج بين الحين والأخر .. اللي أعرفه أني مره أصايح على حقين الدينات ومرة أتسابق مع شباب زاحفين.. مثبت السرعه على 180 ومتربع على المقعده باورهاوس يروح ويرجع بايسن >> كلك حركات أحلى شئ إن الجو مغيم من بداية خروجي من الرياض وصولاً بي إلى الطائف .. الساعه الخامسه مساء وصلت الطائف << الله يسلمكم أول ماوصلت حولت على أغاني راشد وعينكم ماتشوف الإ النور على طول فيه حلاق تركي متقاول معه كل مايشوفني يقول الحمد لله على السلامه متعود على أول ما أوصل الطائف أروح له .. نعمنا وعينا من الله خير .. عاد كالعاده أمي تتصل .. وينك << هلا يمه توي ماشي من الرياض من كثر ماسويت فيها مثل هالمقلب صارت ماتصدقني .. قالت لا إنت في الطايف قلت لا يا ماما أنا توي محرك من الرياض << صدقت المسكينه جعلني فداها المهم وصلت عند البيت هدوووووووووووووووووووووووووووء طبه مفاجئة .. كالعادة أول ماتشوفني أمي ما أقدر أسلم عليها لأنها تجلس وأربع أربع دمووووووووووووع << متعود على هذا المنوال حاولت فيها مافي أمل سلمت على الوالد وحبيت راسه جعلني فداه سلمت على أخواتي نسيت أقلكم إني أخذت المدام من عند أهلها وصلوح من يوم شافني ما أسمع منه غير كلمة بابا حتى وهو ما يطالع لا ومايبغى يطلع من حضني نرجع سلمت على خواتي ولسى ماسلمت على أمي أنتظرها تخلص .. عاد بعدها طبيت في أوالاد وبنات خواتي سوا دائره على وجالسين يرددون ويغنون خالو عبدالله جاء والله تنقز وتتعلق في رقبتي واللي تسلم في يدي .. حتى واحد من إخواني عمره6 سنوات معهم خالو عبدالله جا << أخوك يالمغزول .. المهم خلصوا الإحتفاليه .. وجتني المتحدثه بأسمهم ريماس بنت أختي قالت خالو ودينا البقاله .. المشكله ما أقدر أكسر خواطر الاطفال قلت طيب بس خليني أجلس شويه توي جاي من خط في الليل أوديكم تذكرت إني ماسلمت على أمي حصلتها في المطبخ تسوي القهوه والشاهي قلت يمه أنا جيت ضحكت فديت ضحكتها وسلمت عليها .. وطقيتها بخمس ,,,,طعش .. حبه في راسها .. جونا عماتي وبقيه أخواتي .. إجتماع وجلسه أخر حلاوه على السطح .. العشاء عصيده << والله أني صادق بس فيه ناس ماياكلونها رحت جبت فول وتميس من عند الغامدي اللي في النزهه << والله ياعندهم فول تعشينا وكانت ليه جميله جداً أبوي يسولف ويحكيلنا قصص بطريقه فكاهيه .. وانا والجميع ميتين ضحك .. جلسه وناسه أولع بينه وبين أميه .. أخليهم يتناقرون وانا جالس أضحك طبعاً المناقره بينهم نوع اخر كلها مزح << بس أحب أشوفهم يتناقرون .. فديتهم لما أكون بينهم .. عمتي من أول ماجات وهي تدعي لي قلت عمه وش فيك قالت الله يسعدك .. قلت طيب .. عاد انا احب المقالب .. سويت مقلب في عمتي بتشجيع من والدي .. وحتى الساعة الثالثه صباحاً ونحن مستكنين في ذلك السطح ولم تغيب الضحكة عنا .. أبوي يبغى يقولي إن عنده أيميل .. مايدري كيف يفاتحني في الموضوع .. قالي عبدالله عندك أيميل .. قلت أيه قال أضفني عندك لاحد يقول كذاب.. والله أبوي إذا سولف إنجليزي ودكم مايسكت .. طبعاً عشان ماتقولون كذاب أبوي جامعي << أحس فيه ناس يطالعون .. بكالريوس لغة عربيه من جامعة مكه .. خدم 27 سنه في مجال التدريس وتقاعد قبل أربع سنوات ..<< خارج النص المهم فتحت إيميل الوالد .. وصلته رساله من أخوي أحمد المتواجد في نيوزلندا لإكمال دراسة الماجستير.. ركزوا في الفلم الهندي .. والدي يقولي أقرأ هذي الرساله وصلتني من احمد .. طبعاً إحنا مازلنا متجمعين على السطح .. والرساله تتحدث عن الغربه وولاء من إبن إلى والده ما اكذب عليكم الرساله فيها نوع من الحزن .. جالس أقراً الرساله غربه وحزن وشوق وسامحوني وسأعود << رساله على شكل خاطره تعبر عن ولاء إبن يعيش غربه عن والده .. المهم وأنا في نص الرساله أخوي محمد وراي يدقني برجله .. محمد وشفيه .. قال شف أمي وعمتي أثاريني أعيش فلم عندي .. أنا أقرأ والسهاريات شغاله على الخدود والدموع اربع اربع .. والله فاتني التصوير .. بيني وبينكم ماقدرت اكمل وأنا أشوف المنظر ,,, طلعوا اللي في قلوبهم ,, واسيناهم .. كلها ثلاث سنوات ويكون عندكم .. وهذا حال الدنيا رجعنا كملنا السهرة بروح الإبتسامه .. وما اجملها من ليله ... إلى اللقاء ..