المشاركة الأصلية كتبت بواسطة الراسية
[align=center]بسم الله اليوم الجمعة خلصت الإجازة ماحسيت فيها كل هذا لأنـــــــــــــي الله يهديني كنت مسوية فيها الحريصة الوحيدة بالبيت اللي تستغل الوقت و دخلت الدورة >>> ماهي مشكلة أهم شي لأول مرة احس إني مصممة على الدوام بكرة بإذن الله.. والله يكفيني شر نشاطي أنا صار لي سنوات وأنا أول يوم الدوام ما أداوم ..بس يمكن هذه المرة تختلف نظراً لأني لم أشعر بأني مُجازة؟؟ اليوم وكعادة أهلي الغداء سمــــــــــك..و سي فــود الجمعة وكأنها صارت واجب جمعاوي لابد منه .. عموماً السمك لذيذ ..وأنا أحب السمك والأكل الصيني اللي راح يجيبه .. بابا العقيد لي مثل ماوصيته وأمس ماكان في الخميس أي شي يُذكر إلا إننا طلعنا حفلة شواء ..نسيت أقلكم إن الخميس لازم نشوي >>ماشاء الله اهلي كل ( ويك إند) يعملوا شيء ويدقروا عنده طول العمر الله يحفظهم ..ويصبح عادة هذا إلى الآن الشي السبيشل اللي حصل .. **همسة ** أشكرك ياأذوق عقيد بالدنيا على تلبية طلبي ولو إني كثير مكسوفة من كرمك خلاص أكيد خالي راح يقابلك وبالنسبة لأبوي والله قال : سلمي لي على العقيد وكان عتبان علي عشان أنا ثقلْت عليك بس أنا حلفت إنك مش متضايق ..وإتفقوا وين تتقابلوا عشان الحلو اللي وصيتك عليه لايصير بعدين مو حلو .. وأنا ماأبغى برشومي ولا فواكه من الطايف لأني راجعة بإذن الله بعد شهرين ..بس الحلو أنا ما أقدر أنتظر بالذات بيروت ومذاق الملكة والصيني ..ووالله كنت خجلانة منك وإلا كنت راح أوصيك م العطار ( لدو) ومن سوق البلد شوي أغراض ..بس خلاص المرة الجاية ولو إني خايفة ماتقولنا متى عشان مانقروشك و على فكرة أبوي لما قرأ يومياتك ويا الشيبان سألني أي قهوة أبوك وعمك يروحوا لها لأنه من أكثر الناس إرتياداً لمنتديات الشيبان ( القهاوي ) وكل اللي بالطايف يعرفها وبيعرف أعضاءها .. عقيدنا العزيز دمت بخير **جبيبتي نسيم ** أشكرك على طبق الحلو بس للأسف وقت ما نزلتي الموضوع كنت أنا بالدورة لذلك لم يذق الدكتور هذا الحلو وإضطرت أمي تصنع له حلواً من تراث أجدادها تُسمى ب ( كل وإشكر) وهي من النوع الشعبي وتُسمى في الغربية ب (حلاوة تركي ) المهم طفحها أقصد أكلها بالهناء والشفاء هو والمتدربات والدكاترة المتدربين حتى أني كنت نجمة الحفلة الختامية حينما أخذت المايك وتفلسفت عليهم شوي وقلت أنا اللي سويتها وعدت الطريقة عشر مرات حتى يستوعب النوابغ والنابغات ..>> عندما عدت دعيت لأمــــي و لك ياغالية لإهتمامك بما سأقدم ..و ذوقك في المساعدة والدكتور إتصل بي قبل قليل لأن المشرفين على الدورة وهو على رأسهم نسوا أن يختموا الشهادات وعند فروغه من المحادثة ضحكت بيني وبين نفسي لأني عرفت ماهو سبب نسيانه..لعله طبق أمي نساهم كل شيء>> كعادتهم الرجال ينسون كل شيء عندما يتعلق الأمر ببطونهم ... بس خليه سر بيننا لايدري العقيد >>يمكن يزعل مني ولا يجيب الأغراض... خلاص ..حبيبتي إذا وصلتني الأغراض..أكمل لك الحين أتركك في حفظ اللـــــــــــه[/align]