[صالح بن فارس]

بسم الله الرحمن الرحيم

بعد إجازة صيف ماطرة أعود بتواضع حرفي .. من جديد

مسودات عاشق !!

(1)

وجع ..
وكنها قالتها بدلع ؟!
بكل أريحية تقبلها وبلع ....
وارتحل يشكي الوجع !

(2)

حبيبي ..
من فمّها تسري بي ..
لا حدود الشمس وتجي بي ..
بس أعرف ..
بها نفس الشعور إلا مني صرخت بها .. حبيبي ؟

(3)

لا يكثر !!
أقول لك لا يكثر ..
حرف بشفاهك اتعثر ..
خلا كلماتي تبعثر ..
فج صمت الكون فيني ..
لمني شوق وتنثر ..
بس .. لا يكثر !!

(4)

أحبك ..
أعزك أودك ..
ولا تحلم بيوم إني أهدك ..
أموت بجيتك .. واحيا بصدك ..
مع كل ذا ما لك أمل أقول .. أحبك ؟!

(5)

مع السلامة !
يا هي ودته العدامه ..
يا هي شالت به وحطت به سآمه ..
يا هي خلت كل شي بعيونه عتاب وملامه ..
مع السلامة .. انتهى حبه وهيامه ..
رد بغصب مجبور .. مع السلامة !

(6)

يآآآآآآآه ,,
بحت صوتها لحن ٍ يموت ..
يا ترى سمع تنهيدة الصوت ؟
وإلا كذا قسوته .. جبروت ..
يآآآآآه .. لونه سمعها كانه يموت !!

(7)

ألم ..
كتبت ف جوفها بأروع قلم !!
طاوله / محبرة / ورق .. وجرح انكلم ..
رسمت ورده / تفاح / عنب .. ونصبت العلم !
صاحت بأعلى صوتها .. خلاص كافيني ألم !


مع ودي

؛؛؛