الموضوع
:
( صورة وقصيده )
عرض مشاركة واحدة
07-05-2009, 04:52 PM
#
1161
فراشه شفافه
رد: ( صورة وقصيده )
ألا انت سولف لي عن احوالك وخل عنك القصيد
يعني وش اللي في غيابك راح اقوله واكتبه ؟
شعري .. على حطة يدك !! في غيبتك ما من جديد
البيت من قبل اكتبه .. افكر اني اشطبه !!!
دامك تعرف ان الشعر لا يقنعك ولا يفيد
استوعب حضوري ! وهو انسآآه لا تستوعبه!
ركز معي .. الله يرضالي عليك ولا تزيد
الهم هم .. وعدّني ضيف ٍ نويت توّجبه
ما ابيك من بعد الجفا ترجع لي بقلب ٍ بليد
حسسني بشوقك ! ودمعك من عيونك اسكبه !
ضيّعني بشهقة بكاك .. وجيب فيني ألف عيد !!
بحكيّك اللي حافظه ولا عرفت ترتبه !!
هي كلها هالساعتين وعقبها ببقى وحيد
لا تشح بشعورك علي ّ ولا اتمادى !! وانتبه :
لا شفتني سجيت ( عنك / فيك ) جوّدني من ( إيد
قلبي ) ووصلني لقلبك برضاه او اغصبه
هذه سنه ! ان ما سكنت القلب ! مسكنك الوريد !
ونفس السنه مرت ! وحقي فيك ضايع واطلبه
يا آدمي مدام نظراتك باحاسيسي تشييد
لا تترك ( اسألتي ) تموت ولا لقت بك ( أجوبه )
ليـه انت راضي بالعناد ؟ وبالرضى تصبح عنيد ؟
ليـه اتساهل بالجفا ؟ ليه الوصل تستصعبه ؟
وليه اتمنى الموت في بعدك واحس انه بعيد ؟
وليه اشعر ان الموت في لحظة وصولك ما اقربه ؟
وليه اعتبر نفسي إذا ذبحني شوقي لك شهيد ؟
- ولا انت حتى الشوق لا ردك عليّ تستغربه !!
جاوب وريحني !! أو انسى كل شي .. ولا تعيد :
سؤالك عن شعر ٍ شطبته من قبل لا أكتبه
!!
ـــــــــــــــــــــــــــــــــــــ
التوقيع
[
رَبِ
.. غَلّفْ قَلبٍي بٍسعآدهً بَعدهآ لاَ أشقىّ ..
وَهِبْ لِـ
روُحيٌ
طمأنّينةً لآ تَفنّى .. ]
أخر مواضيعي
فراشه شفافه
مشاهدة ملفه الشخصي
البحث عن المشاركات التي كتبها فراشه شفافه