[البرنسيسة]

سلا1111م

كيفكم حبايب قلــبي

من أول شنب إلى آخر شباصه

إن شاء الله تكونون مرتاحين****

_________________

حبايبي ..

موضوعي اليوم عن مشاهد في حياتنا اليوميه ..

حبيت أترجمها لكم بطريقتي ..

أتمنى تتقبلونها ..

¸.•`¸.•`¨( مشاهد مألوفه )¨`•.¸`•.¸

||

تفضلوا ..

||

¸.• (المشهد الأول) `•.¸

وحدة مزيونة بالحيل..
.....و حبيبة......
بس تخون..!!
وش يساوي جمالها..؟
بياخذه الزمان و تبقى عجوز ..

~ عادي ~

طاح الحطب.......... و حلوة الحياة


¸.• (المشهد الثاني) `•.¸

سيارة مسرعة ..
و تدعس لها واحد ..
مسكين هندي ..
و العسكري صديق الطايش ..
وبقدرة قادر الخطا يصير نصه على الهندي ..!
والباقي على أبو الطايش ..
و في الليل.....الطايش يلعب بلوت ..

~ عادي ~

طاح الحطب.......... و حلوة الحياة


¸.• (المشهد الثالث) `•.¸

غني و ظالم ..
يطرد المساكين ... و يستغل الضعوف
مغرور و فاسق ..
و المصيبه مجلسه عامر ..!
وكلن يبهر له ..
و مع ذلك يجمع حسنات ... من كثر اللي يسبونه

~ عادي ~

طاح الحطب.......... و حلوة الحياة


¸.• (المشهد الرابع) `•.¸

يكد ويدرس ويتخرج ويشتغل ..
لاجل يبني مستقبله ..
تزوج و جاب عيال ... ثم تقاعد
صار يسكن في مكان ... وأم عياله في مكان
والسبب العيال ..
صار دار المسنين بيتهم ..!

~ عادي ~

طاح الحطب.......... و حلوة الحياة


¸.• (المشهد الخامس) `•.¸

تغازل و تاخذ ارقام ..
وتتمشى بين الأسواق ... مع السواق
و تطلع مع هذا ... و تواعد هذاك
و يوم طاح الفاس في الراس ..
........ بكت ........
و راحت تشكي لامها غدر الزمان ..!
طبطبت عليها امها وقالت:
ولا يهمك ... سفرة لمصر ... وشوية سيولة
و ترجعين بنت ..!!

~ عادي ~

طاح الحطب.......... و حلوة الحياة


¸.• (المشهد السادس) `•.¸

مرفوع الكفن أبيض ..
وصاحبه وسط البياض ..
بعضهم يبكي ... و بعضهم عادي
صلوا دفنوه ... و تبكبكوا شوي
و اخر الليل سكارى ..!!

~ عادي ~

طاح الحطب.......... و حلوة الحياة


¸.• (المشهد السابع) `•.¸

ملتزم ..
يصلي كل الفروض ..
و اذا تعب ... فوت صلاة الفجر
واذا شبع ... راحت صلاة العصر
و عنده دش ... و يكذب كثير
و اذا صحى الصبح .. مشط اللحية ..!!

~ عادي ~

طاح الحطب.......... و حلوة الحياة


¸.• (المشهد الثامن) `•.¸

قارورة مويه فاضيه ..
ما تضره ... طايحة في السيارة
يناظرها بغضب ... زعلان منها
فتح الشباك ... و رماها في الطريق
و اذا اجتمع مع الشباب قال :
متى بنتحضر ..!!

~ عادي ~

طاح الحطب.......... و حلوة الحياة


¸.• (المشهد التاسع) `•.¸

اهم شي الثوب نظيف ... و الشماغ مكوي
و القلم ماركة ... والساعة تضوي
و الجزمة جلد ... والسيارة عجب
شخصيه مره ... بس داخل فوضوي
و تلفونه ما يسكت ..
إما بنات ..!
أو البنوك تبي فلوسها ..!!

~ عادي ~

طاح الحطب.......... و حلوة الحياة


¸.• (المشهد العاشر) `•.¸

سطحية ... و مغرورة
غبية ... و متكبرة ... وليتها حلوة
تبي زوج مواصفات ..
ما يقول لا ... ويكره الاستراحات
لازم وسيم ... و انيق ... و متفتح ... و دخله ممتاز
و يحب السفر ..
و بعد سنين ... تلاقي نفسها في الانترنت
تدور واحد يقبل بها ..!!

~ عادي ~

طاح الحطب.......... و حلوة الحياة


¸.• (المشهد الحادي عشر) `•.¸

فتح الكمبيوتر ..
و دخل للمنتدى ..
و كلامه كله خضيب ..!
ما يتعدى ان الموضوع روعة و رهيب ..
و هو ما قراه و لا يعرف كاتبه ..
بس يبغى يزيد المواضيع ... موضوع
ويزيد المشاركات ... مشاركه
ويزيد همومنا ... هـم
علشان يصير صاحب الألف موضوع ..
و يتميز ..
والمشكلة انه يتميز ..!!

~ عادي ~

طاح الحطب.......... و حلوة الحياة


¸.• (المشهد الأخير) `•.¸

الكذب إثم ... ومع ذلك نستخدمه
و نعرف الحرام ... و مع ذلك نجربه
نتذكر السهرة و الطربه و السفر
و ننسى الجالسين على كتوفنا
و نتناسى ان معهم كتاب ..
يسجلون افعالنا و نياتنا ..
كل شي محسوب ..
حتى النظر ..
نسينا ان ورانا يوم ... علاماته قربت
ومع ذلك كلنا متساهلين ..
أن بقيت على حالك تتناسى ... لازم تعرف :
ذاك اليوم مهوب

~ عادي ~

وأنك أنت الحطب.......... و لاعاد به حياة

_______________

أتمنى يعجبكم الموضوع00

ولكم مني أجمل 00

( `•.¸
`•.¸ )
( `•.
¸.• )
( .•`
×`¨) تــحــيــه (¨`×
¸.•`¸.•`¨) (¨`•.¸`•.¸