[عبد العزيز احمد الزهراني]

حملت الحزن في صدري سنينٍ والحزن قتّال
...................................اداري علّتي والنفس ما تقوى تداريها
معاناة الفراق اللي مابين العشق والترحال
.......................................سفينة حبّنا تاهة ولا تلقى موانيها
انا في غربتي تايه وهمي فوق صدري جبال
....................................ونفسي عافت الدنيا ولا اقدر أواسيها
من اول كنت انا فارس على ظهر الزمن خيال
......................................ولكن بعد فرقاها ترجل من يخاويها
بنا فيني الحزن دنيا وادور للفرح اطلال
.......................................تسابقني معاناتي وما اقدر اجاريها
خذتني لوعة الفرقا وخلتني كسير الحال
......................................ادور فالدجى شمعه ولا ظني الا قيها
سقا الله يوم ما كنا على درب الوفاء اطفال
..........................................تعانقنا امانينا ونرسم حلمنا فيها
ولكن الحلم عدّا ونحت في داخلي تمثال
......................................اشوفه في معاناتي اذا مريت طاريها
خسرت بمعركة حبي ولوماني قصير احبال
.....................................ولكن القدر يحكم على نفسي وامانيها
على الله يازمن بصبر وردد للحزن موال
.................................وسولف عن معاناتي لكل الناس واحكيها
اردد يالوفا طبعي وهو طبعي بدون جدال
................................وعمري ما نسيت اللي على قلبي مراسيها
عسا الله يسقي ايامي بغيثٍ وابلٍ همال
...................................وينبت فيني الفرحه بعد ما غاب ساقيها