[سحابة السروات]

[align=center]يوم الخميس
كان التاريخ 14/5/2009 م

استأجرنا استراحة يوم الاربعاء
لاقامة حفلة لذكرى ميلاد ابني حفظه الله لي
وصحينا من النوم يوم الخميس وبدأ الجميع بتجهيز نفسه وباقي قشّه للطلعه
انا كنت من الليل مجهزه كل شي
بس افطرنا بعد الظهر "فطور غدى "
اتصلت ع محل الحلويات عشان ابلغهم بان السواق بيمرهم بعد شوي
يسلمونه التورتات
ومشينا حول الساعة 2 الظهر
وصلنا الاستراحة

حطينا رحالنا وزادنا ..
وماشاء الله الشباب "اخواني" نزلوا المسبح
وفقعوا قلوبنا تأخروا مره لين بردت المويه بعد المغرب
وانا قطعت وقتي بتصويرهم بكاميرا الفديو
ونزلوا ولدي معهم بغى يروح فيها للتصوير الجماعي للذكرى!



في هذي الاثناء وصلت اختي نسيم السروات للاستراحه
وبحوزتها متفجرات وشوية مخدرات
خخخخ


قصدي الخبزة والمرقة والسمن والعسل وترامس القهوة والشاهي
ماقصرت والله الله يسعدها
ويخليها لكل عين ترجيها

رحنا عاد فرشنا السفره وجهزنا الخبزة ولوازمها وبدينا ناكل
عاد هذا يسمونه لطف "بفتح اللام والطاء" ع قولة امي


وهذي هي صورة الخبزة





ركزوا لي بالله عالسكين مغزوزه في بطن الخبزة
هذي نسيم غرزتها تبغى توريكم انها قوية
وان السكين هذي حاده
تقطع بها الالسن من خلاف ..!

هاااه يالعقيد
وش ورّى لك ؟

تفضلوا اقلطوا حياكم الله




وبعد المغرب طلعوا الشباب >>> مابغوا
وانتظرنا الفلتر شوي يشتغل بعدهم ساعة
ثم صلينا ولبسنا لبس السباحه ونزلنا المسبح
عاد انا عندي فوبيا من المسابح اللي اكثر من متر ونص
اما نسيم السروات اختي ماشاء الله عليها
خذت المسبح من شقه لا شقه سباحه وغوص
وكل شوي تقول لي تعالي معي لك هرجه
تبغى تغطسني وانا خايفه
وهي تجي تبغى تحشرني في الزاوية عشان تقنعني وانا معييه مرررررره اخاف


سبحنا وخلصنا
اخذنا دش ولو ان مراوشهم مخلعه

ورحنا عاد نستعد لفعاليات الحفلة
اللي يشوي
واللي يسوي رز
واللي يقطع سلطه
واللي يحضر طحينه
واللي ينفخ البوالين للاطفال ويركب لهم النظارات الورقية والتيجان



تعشينا واللي علينا بالخير
ورحت انا عاد اجهز التورتات والشموع والعصائر
والكاميرا والمسجل

ولبّست ولدي ثوب ابيض وغترة وعقال الملك عبدالعزيز "المقصب بالذهب"
وصار يذنن ياناث >>> كني سمعت احد قال القرد في عين امه غزال !!


وبدأت فعاليات الحفلة
ولولا بعض الخصوصية لكنت عرضت بعض الصور هنا ..!


كانت حفلة رائعة
ويوم حافل بالانشطه المتنوعه
ومابغينا نسري


وسلامتكم[/align]