عرض مشاركة واحدة

الســرف · 21-05-2009, 04:21 PM

السلام عليكم
وش رحتم ؟

صليت الفجر بعد ليله الله لايوريكم شيشي ...وهـ بس

وماهلاّ دقت الساعه تسعه إلاّ وجوالي يدق
منبطحن فوق السرير فوق المخده وفتحت عيونيه واتسمع واقول بيني وبين نفسيه تيا ماهي نغمة جوالي ؟
واتذكر اني ماحطيت الجوال " سايلنت "
غلطه غلطه
مرات ماهو بس احطه سايلنت الا ابدل الشريحه لمدة يومين وكل شهر اشتري شريحه والا ثنتين
ارخص الله الرخيص من خمسه ريال في الشارع
مديت ايديه ابغى الجوال واكفح كاسه فيها ماين
يانهار الدعش وكان
اطالع
فتحت عيوني بقوه
اطالع
رجعت حطيته على السايلنت
ماجاني قلب
قمت ارسلت مسج " ان الهاتف المطلوب صاحبه نائم واليوم خميس استح على وجهك وخل عندك ذوق وطالع الساعه كم "

ارسل لي رساله " الشرهه مو عليك على اللي يصحيك يالدب القطبي ...شهر مقاطعه من اليوم "

واتذكررررررررررر
صح والله لازم اقوم هالوقت عشان عندي شغل

قمت اخذت دش ولبست ودقيت عليه مره وثنتين وثلاث مو راضي
ارسلت له مسج " شكراً لحسن تعاونكم "

المهم نزلت السوق
ولابقيت ولا لوحه جداريه وتعليقات ومدخل وطاوله وسجاده للصاله ووحده للمجلس وورد مجفف ولمبات اضاءه للمدخل وللأركان << بالله كيف احرز الوصيه صح ؟
وذيك الطاوله اللي لها كفرن نحط فوقها الصحون والفناجيل ونسوقها للمجلس والمطبخ<< من الدفاشه كل شهر يشتري واحده وتنكسر كفراتها يتعامد فوقها بجسمه

اعد قروشيه والا والله ماعد تسدنيه لين يوم عشره << صراف القحم حق التقاعد معيه مايدور وراه

ومعي اخو الله لايوريكم
مايتعذر

قلت له وينك
قال بالبيت فوق
متى جيت
قال البارح

قلت تجي تركب لوحات وحاجات جبتها

قال طيب << ماقلت لكم يحب هالامور من جوف قلبه من يوم هو صغيرن ماغير مسامير وشواكيش ويفكك في الالعاب والاجهزه ويصلح ويهندس بيتنا تقول ورشه

وصلت
قلت هيا تعال

قال انت بعقلك والا فيك شي

قلت وش معك امتخلوا لحيك

قال الساعه اثنين وخير رح انسدح منت صاحي
قلت اسمع اجل بصلي الظهر وبرقد
جيب العده ودق الباب بيفتحون لك ادخل وركب الاشياء
قال طيب
قلت اسمع لاتسوي مثل عادتك ماهلا تنكت السليله من الجدار وتعكف المسامير وتطيح اللوحات ماتعرف ولا حبّه ولاتتعذر
قال خلاص رح خذ لك عامل بـ 100 ريال
قلت لا بس أأأأأأأأأأ

قال اقول قد سمعت صوت القطار
قلت وش صوت القطار يابن الحلال اقولك لوحات
قال قد سمعته
قلت لا
وقفل الجوال طوط طوط ط,' << هذا صوت القطار

بعد الظهر دق الجرس
وجا
وجا بعدته وركب الاشياء ماقصر والله
واللحين بصلي العصر وبكمل الباقي
بروح اجيب كهربائي وبغير لمبات واركب اضاءه جديده << رغم انه قال انا بركبها وقلت له لا يرحم امك ماعد الا هي تبغى " تقعطنا " ونقعد يومين والنار تشب في ظهورنا ووايتات الدفاع المدني مرابطه عند البيت ....حدك ذاعك الشاكوش وكان
قال والله لومنت الكبير لفقع به دماغك ..جاي من المدينه وضيف وسويت فيك معروف وباقي تتكلم ...قلت تقلع تقلع بس ..قال ايش قال ضيف زعل وقام عليّ ورمى بالشاكوش....وتداوسنا شويه ...والله انه قوينّ ...تاعك مفطحات قصر الامير خلت رقبتك كما قعر السدره

المهم

الليله كالعاده
كل خميس لازم ضيوف
عندنا ضيوف وذبيحه طبعاً << ماتشوفون نغير تحف وسجادات على طول ...من جهلة الضيوف ماغير وانا جالسن اتسمع ....صللللللللل .....طربق ...طاااااااع ....وكنها جوف عينيه ...وابتسم لاهلهم ...خلوهم خلوهم ....دعوهم يمرحون ويسرحون ...وسنونيه بتتقلع ....ياشيخ اللي مايغير النسل ويحسنه شوي ويلمح لعرق هادي غير عرق المغزله ....غرب الله عليهم يتنتفون الورد وكسروا التحف ويخربون

هيا وداعت الله

لاتنسون تدعون ليه زي ماتدعون للعيص وقولوا

اللهم هون " رجف " بيت السرف الليله
واسكن عفاريت ضيوفه
اللهم عليك بورعانهم فإنهم لايعجزونك
اسبغ عليهم النعاس من ساعة مايدخلون

21-05-2009, 04:21 PM	#199
الســرف قلم مميز	رد: مذكرات الأعضاء (سجل ذكرياتك هنا ) السلام عليكم وش رحتم ؟ صليت الفجر بعد ليله الله لايوريكم شيشي ...وهـ بس وماهلاّ دقت الساعه تسعه إلاّ وجوالي يدق منبطحن فوق السرير فوق المخده وفتحت عيونيه واتسمع واقول بيني وبين نفسيه تيا ماهي نغمة جوالي ؟ واتذكر اني ماحطيت الجوال " سايلنت " غلطه غلطه مرات ماهو بس احطه سايلنت الا ابدل الشريحه لمدة يومين وكل شهر اشتري شريحه والا ثنتين ارخص الله الرخيص من خمسه ريال في الشارع مديت ايديه ابغى الجوال واكفح كاسه فيها ماين يانهار الدعش وكان اطالع فتحت عيوني بقوه اطالع رجعت حطيته على السايلنت ماجاني قلب قمت ارسلت مسج " ان الهاتف المطلوب صاحبه نائم واليوم خميس استح على وجهك وخل عندك ذوق وطالع الساعه كم " ارسل لي رساله " الشرهه مو عليك على اللي يصحيك يالدب القطبي ...شهر مقاطعه من اليوم " واتذكررررررررررر صح والله لازم اقوم هالوقت عشان عندي شغل قمت اخذت دش ولبست ودقيت عليه مره وثنتين وثلاث مو راضي ارسلت له مسج " شكراً لحسن تعاونكم " المهم نزلت السوق ولابقيت ولا لوحه جداريه وتعليقات ومدخل وطاوله وسجاده للصاله ووحده للمجلس وورد مجفف ولمبات اضاءه للمدخل وللأركان << بالله كيف احرز الوصيه صح ؟ وذيك الطاوله اللي لها كفرن نحط فوقها الصحون والفناجيل ونسوقها للمجلس والمطبخ<< من الدفاشه كل شهر يشتري واحده وتنكسر كفراتها يتعامد فوقها بجسمه اعد قروشيه والا والله ماعد تسدنيه لين يوم عشره << صراف القحم حق التقاعد معيه مايدور وراه ومعي اخو الله لايوريكم مايتعذر قلت له وينك قال بالبيت فوق متى جيت قال البارح قلت تجي تركب لوحات وحاجات جبتها قال طيب << ماقلت لكم يحب هالامور من جوف قلبه من يوم هو صغيرن ماغير مسامير وشواكيش ويفكك في الالعاب والاجهزه ويصلح ويهندس بيتنا تقول ورشه وصلت قلت هيا تعال قال انت بعقلك والا فيك شي قلت وش معك امتخلوا لحيك قال الساعه اثنين وخير رح انسدح منت صاحي قلت اسمع اجل بصلي الظهر وبرقد جيب العده ودق الباب بيفتحون لك ادخل وركب الاشياء قال طيب قلت اسمع لاتسوي مثل عادتك ماهلا تنكت السليله من الجدار وتعكف المسامير وتطيح اللوحات ماتعرف ولا حبّه ولاتتعذر قال خلاص رح خذ لك عامل بـ 100 ريال قلت لا بس أأأأأأأأأأ قال اقول قد سمعت صوت القطار قلت وش صوت القطار يابن الحلال اقولك لوحات قال قد سمعته قلت لا وقفل الجوال طوط طوط ط,' << هذا صوت القطار بعد الظهر دق الجرس وجا وجا بعدته وركب الاشياء ماقصر والله واللحين بصلي العصر وبكمل الباقي بروح اجيب كهربائي وبغير لمبات واركب اضاءه جديده << رغم انه قال انا بركبها وقلت له لا يرحم امك ماعد الا هي تبغى " تقعطنا " ونقعد يومين والنار تشب في ظهورنا ووايتات الدفاع المدني مرابطه عند البيت ....حدك ذاعك الشاكوش وكان قال والله لومنت الكبير لفقع به دماغك ..جاي من المدينه وضيف وسويت فيك معروف وباقي تتكلم ...قلت تقلع تقلع بس ..قال ايش قال ضيف زعل وقام عليّ ورمى بالشاكوش....وتداوسنا شويه ...والله انه قوينّ ...تاعك مفطحات قصر الامير خلت رقبتك كما قعر السدره المهم الليله كالعاده كل خميس لازم ضيوف عندنا ضيوف وذبيحه طبعاً << ماتشوفون نغير تحف وسجادات على طول ...من جهلة الضيوف ماغير وانا جالسن اتسمع ....صللللللللل .....طربق ...طاااااااع ....وكنها جوف عينيه ...وابتسم لاهلهم ...خلوهم خلوهم ....دعوهم يمرحون ويسرحون ...وسنونيه بتتقلع ....ياشيخ اللي مايغير النسل ويحسنه شوي ويلمح لعرق هادي غير عرق المغزله ....غرب الله عليهم يتنتفون الورد وكسروا التحف ويخربون هيا وداعت الله لاتنسون تدعون ليه زي ماتدعون للعيص وقولوا اللهم هون " رجف " بيت السرف الليله واسكن عفاريت ضيوفه اللهم عليك بورعانهم فإنهم لايعجزونك اسبغ عليهم النعاس من ساعة مايدخلون ـــــــــــــــــــــــــــــــــــــ التوقيع تعجبني شخصية زوربا ... لكنّ أكثر ما يعجبني فيه طريقته في الوصول بأحاسيسه إلى ضدّها . أذكر قصّته مع الكرز ، يوم كان يحبّ الكرز كثيرا و قرّر أن يُشفى من حبّه إيّاه بأن يأكل منه كثيرا .. كثيرا حتّى يتقيّـأه . بعد ذلك أصبح يعامله كفاكهة عاديّة. طريقة طريفة في الشفاء ممّا يستعبدك أخر مواضيعي