[نسيم السروات]

[align=center]بسم الله الرحمن الرحيم


الخميس 26/5/1430هـ

حكمة اليوم : لا تبكي أبوم إذا مات أبك عصر الجمعة إذا فات


لي كم يوم ماكتب مذكراتي يمكن السبب مالقيت شئ يستحق الكتابه

لأن بعض ألأمور محملة بالكأبه وتضيق الخاطر ماتشجع أحد يكتبها

وقد تم أمس أتفاق بيننا يابنات السروات أننا نطلع سوى لنادي الأمير سلمان

وكنا بعد ننتظر مفاجأة حلوة وهي حضور أحد الأخوات من عضوات المنتدى

جاءت زيارة للرياض وعزمناها تجينا وقالت تم بعد المغرب أكون هناك

وذهبنا بعد صلاة المغرب أنا نسيم وأختي سحابة وصديقتها هبوب أما
بنت السروات أعتذرت تبي تروح المشغل .

المهم رحنا ووجدنا المركز هادي جدا والحضور قليل عشان يوم الخميس

وذهبت حرة النسوان نسيم لبيت الشعر وأخذت طوفرية به ترمسين قهوة وشهاي

وفناجين ووسكرية وصحن تمر وصحن كيك وذهبنا إلى وسط حديقة المركز وأخذنا

طالة وجلسنا وأخذت جوالي وأجلس كل دقيقتين أدق على أختنا التي لا نعرف وجهها

أنما تعرفنا عليها من المنتى ولم تجي ولم ترد حتى على الجوال فبدأنا نشرب القهوة

وكانت الأخت هبوب السروات عندها فوبيا من البساس كل ما شافت بس تمشي

تعلقت في ظهر سحابه وقامت تصيح وأنا ربي أشغلني كل شوي أطرد لي بسه

وتجيني أخرى ما أدري وش تبي ذا البساس كل شوي تجي تحت أرجلنا أعطيتها

كيك شمته وراحت شكلها تبي لحم والظرف في الأمر كانت حرمة عجوز شافت صحن

القهوة والشاهي أعجبها المنظر ومرت من عندنا وهي تناظر بإعجاب وما أمداني أقول

تفضلي ياخالة حتى قالت لهبوب روحي جيبي لي كرسي وجلست معنا تقهوى المهم

أخذت أنا أسولف معها عاد أنا أحب أسولف مع كبار السن قلت ياخلة أنتي من فين قالت

أنا من القصيم وعشت أكثر عمري في مكة ثم رجعنا الراض قامت هي أستلمتني بالأسئلة

وقالت فين ساكنين قلت الروضه قالت كلكم قلت نعم وكررت هذا السؤوال 3 مرات ثم سألت

أنتم تدرسون قلت خصنا دراسة قالت توضفتوا قلت أنا موظفة والأخوات وظائفهن في الطريق

قالت متزوجات قلت نعم قالت عندكم عيال قلت نعم بس مو كلنا قالت كل واحدة كم عندها عيال

وخبرتها . بعدين دخلت أنا فيها عرض وقلت ياخاله خبريني كيف كان الزواج على أيامك قالت

كل زمان يختلف قلت زمانك أنتي شكل عمرها فوق السبعين قالت كنا نلبس شرعة وفستان أبيض

قلت هاه قلت أقصد زمانك أنتي ياخله قالت نعم زماني كنا نلبس شرعه وثوب أبيض

المهم قلت شكلها فاقده جزء من الذارة خليني أمشي الحال فقلت لها ياخله وشهي الربعية اللي عندكم

في نجد تكون مرافقة للعروس ؟ قالت الربعية يابنيتي حرمة يأخذها الزوج لكي تخدمه هو وعروته لمدة
7 أيام تسوي لهم الأكل والقهوة والشاهي وترتب فراشهم وتنظف بيتهم . قلت والله فلة تدلعون العرسان زمان

قلت في نفس ليتك تدرين كيف كانوا يسوو عرائسنا زمان تقول أمي كانت تسرح بعد الفجر مع الحريم تستقي
بقربتها من البير وتصب القهوة للحريم اليوم الثاني تستعرض للحريم عشان يشوفونها زين .

بعد ذلك راحت هبوب وسحابة يلفون شوي وأناجلست أحتري الواعد اللي كانت بتجي وراحت العجوز أخذت
عصاتها وقامت ثم جتني بنت شافت القهوة وقالت ممكن فنجال قهوة قلت تفضلي فتقهوت معي وتعرفت عليها

ثم رجعوا البنات مسرعين يحسبونها الضيفة المنتظرة فقلت لهم هذه أخت من أعضاء المركز وعرفتهم على بعض

ودقينا على سواقنا وجانا ثم ودينا هبوب لبيتها ورجعنا لبيت الوالدة عشان عيالنا خليناهم عندها

وجينا ولقينا الوالدة زعلانه وتنفخ علينا وتقول ليش تأخرتوا مع أن الساعة مازالت 30ر10 لكن أمي هذا
طبعها دائم تقلق ولقيناها عسى الله يحفظها لنا مسوية رز ولحم وملوخية وعصيدة ومرقة .
ومسوية لنا بعد شاهي وقهوة وبواقي فطورها سمبوسة وفطاير ولقيمات كانت صائمة الخميس الله يكتب أجرها

كأننا في رمضان ثم تعشينا معها ونمنا عندها .

وسلامتكم .
إلى اللقاء .......[/align]