[العندليب]

طيب ..
لكم مذكراتي للأيام التي مضت ..

يمكن تقولوا وش فيك من ثلاث أيام تقريباً مادخلت منتدى زهران
وفيه ناس بتقول فكه والله أرتحنا ..

المهم
يوم الأربعاء
رجعت من الدوام وكعادتي أذهب إلى مكتبي الخاص داخل البيت
لأنهي بعض الإلتزامات الشخصيه
حاولت أفتح الكمبيوتر مارضى يفتح معي
حتى إن زرار التشغيل طلع من أسفل من كثر ماضغطته

ماينلام مسكين
المشكله كان عندي شغلة ضروريه في النت لازم أنهيها
مارضى يفتح معي
قفلت الأخلاق رحت نمت
صحيت وكنت مرتبط مع أخوياي لطلعه بريه وعشى وعلوم زينه
طلعنا مساء يوم الأربعاء إلى إحدى مخططات الثمامه
العزبه كامله موجوده
بقيادة الشيف عبدالله
طبعاً إذا المسألة فيها طبخ
مستحيل أحد يمسك شئ وأنا موجود
حتى البصل
شمرت الكم
وسميت بالرحمن
وبدأت في الصبح
<<< جاري إدراج بعض من صور الطلعه في موضوع مستقل
أنتظرونا

نكمل
طبخ ذيك الكبسه
اللي ترد الروح وتاكلوا أصابعكم وراها
مضعود لحم امممممممممممممممممممممممم
لدرجة إن الصحن ماحصلته
تعشينا
وعينا من اللله خير
حركنا الساع الثانيه بعد منتصف اللي
وأنا في طريقي إلى البيت
شاهدت الطائره الهيليكوبتر التي سقطت مابين مخرج 10 و11
فاتني التصوير
طبعي ملقوف أحب التصوير
المهم
وصلت البيت
وشايل هم الكمبيوتر
ياهل ترى بيشتغل الإ لا
مارضى يشتغل
اليوم الثاني
اللي هو يوم الخميس
حركت على جرير
ناوي أشتري لاب توب
حصلت جهاز كويس
بسعر 5 ألاف تقريباً مع مواصفات أعجبتني مما جعلني أحمله دون تردد
وأنا أناظر الأجهزه
شفت جهاز صغير وش حليله
الشاشه مقاس 10
أعجبني الجهاز
قلت تستاهل ام صالح
أخذت جهازي
ومعه هذا الجهاز الصغير
وعلى المحاسب
كنت أريد الدفع عن طريق البطاقه
فتحت البوك
لم أجد بطاقة الصراف
أستأذنت من البائع
ذهب الى السيار
بحث ولم أجدها
<<<< أرتفع الضغط
مدري وش أصلح

رجعت البيت مكسور الخاطر
المدام تقول وش فيك
قلت لا والله بس مالك في الطيب نصيب
مساء الخميس
طلعنا
نفس المكان
ولكن بزيادة في الأصدقاء
عشى << بس هالمرة دجاج
طالع في الشباب
ياهو تكفون من عنده 7 ألاف سلف إلى يوم السبت أطلع البطاقه وتجيه
ماقصروا الشباب
واحد عطاني 5 الاف والثاني الفين
رجعت البيت
متأخر
نمنت
صحيت اليوم لصلاة الجمعه
بعد العصر
اخذت العائله
وذهبنا إلى جرير
أخذت الجهازين
وشويت أغراض معها
قبل المغرب
وصلتها لمحل كمبيوتر
لإضافة البراامج وعمل إعداد متكامل
صليت العشاء
ورحت للمحل
قالي لسى ماخلصت
تجيني الساعه 11
عاد انا وقتها أشتقت لمنتدى زهران
رحت مقهى أنتر نت
أخذت واحد موكت
وهذا أنا موجود فيه
أكتب لكم هذه المذكرات
من مقهى كبس للأنتر نت بجوار منزلي ؟؟
وماهي الإ دقائق
لأذهب إلى محل الكمبيوتر
أعود إلى البيت
ويمكن ادخل
ويمكن أخذ الجهاز تحت راسي مخده وأنام

وسلاااامتكم ياحبايبي
تصدقون أشتقت لكم ..