طالت الغيبه
حبيبي طالت الغيبه علامك ماتطمني
تخليني على احزاني ونار البعد واشواقي
حرام القلب تعذيبه تبي ودك تجنني
وحبك وسط وجداني وناره تحرق احراقي
يليت الحال تدري به غرامك حيل عذبني
عشانك صرت وحداني وواقف لك على ساقي
هموم القلب تومي به على بحرك وتغرقني
توقف دم شرياني ودمع العين دفاقي
لك الهاجوس واللي به ولك اصيح واوني
ولاغيرك له أعاني ولا بي غيرك ألاقي
تجيب الفكر تغدي به وتقلقني وتشغلني
هذا قلبي لك اوطاني ودارك وسط الحداقي
وشيب القلب واشيبه تلملمني تشتتني
عليك الهم وداني خذيت القلب وش باقي
هذا قلبك لصاحيبه يخليهم ولا ايحني
حبيبك دايم ايعاني وفوق الحزن ينساقي
تعال وخلها طيبه بنار الشوق واحضني
واسمعك اروع الحاني وشوف اشلك بالعماقي
بلاك العمر وش لي به ولو تبغي اجرح اجرحني
فدا يا سيد خلاني مدام الشوق خفاقي
معد لي عنك تجنيبه عليك الشوق ذابحني
أحبك لو تناساني ولك لاموت عشاقي
|