[العندليب]

بسم الله الرحمن الرحيم ..

أرجوا التثبيت لا أحد يصدق
لو أبغى أثبته ماقعدت في حراكم

<< طيب وش فيك معصب ..

أول شئ أسف على الغلطه اللي في عنوان الموضوع

كنت بأكتب مخططات الثمامه وتذكرت رحله مشابه قبل 6 سنوات إلى جزر الواق واق

ندش في الموضوع

هذا يوم الربوع الله يسلمكم

رحنا الثمامه في طلعة مخطط لها من أسبوع

الحقيقة كانت طلعه ممتعه بقيادة الشيف عبدالله << محدثكم

طيب بسم الله

اللي بيدخل يطنز لا يلوم الإ نفسه
يطنز يعني يتغشمر << هههه
أقصد يتريق يعني فهمتوا

أنا أذا عصبت ما أرحم أنتف الشعر كذا
وبعدها أجلس أضحك


طيب نخليكم مع الصور ..

نصيحه قبل كل شئ

اللي جيعان لا يدخل


نبدأ ..

قولوا ماشاء الله دخيلكم العين حق ..



هذا براد شاهي على الجمر على كيف كيفكم

نرجع للحم وهذا اللحم نص تيس من عند الكندي اللي في شارع أنكاس << قلنا بدون دعايات ماتفهم شروط المنتديات


وهذا مشهد من الطماطا .. لا من شكل الصحن باين أني حق بر وعلوم رجال بس اللون أخضر أوكي

وهذي الكشنه جاهز واللحم ورميناه << لاتستعجلون على المرقه جايكم الخير


وهذا الرز في حالة التنقيع ..يعني الغسيل جاهز للرمي في القدر

وهذي المرقه الله يعافيكم أف ياعليها طعم عاد ماعندنا طيس مافي الإ فناجيل شاهي

وهذا القدر وصورة عن بعد .. الله لايفضحنا دافوووور أمحق من طلعه

وبينما المضغوط على النار هنالك الكبده على الجمر ..

الكبده جهزت بالهنا والعافيه على بال مايجهز المضغوط ..

يمممممممم المضغوط أنتهى وجاري التفريغ ..

والحين من القدر إلى الصحن ماتلاحظون وقت التفريغ تكثر الأيادي بس وقت الطبخ كل واحد ماسك بطنه ..طيب بالعافبه

وفي النهاية ما أقول الإ بالهنا والعافيه ..كيف بس ..


صدق والله ..
الله يسعدكم ...

المرة الجايه بأخذكم معي ..
وهذي سيارة الشيف عبدالله التي نقلت لكم العزبه .. طمست رقم اللوحه عشان ما أحد يعرفني ويلحقني في شارع التحليه ..

لا باين حق طلعات ..
لا وبعد موقفها على الشارع العام عشان مايجي عليها تراب<< يوه يوه ياكافي
شفتوا كيف ..
لا لاعندي سيارة ثانيه جيب شاص بس هذي خقت الطلعات السريعه ..
بس وش مكتوب في اللوحه

أتحداكم ..
طيب هذا المكان الي نجلس فيه تقريباً كل ربوع أو خميس ..

اللي يبغى يجي حياه الله .. القطه القطه لاينساها

مع تحيات محدثكم من قلب الحدث ..


الشيف عبدالله ..

يامرحبا والله أهم شئ أستانستو ا

لا تجاملون أكره المجاملات ..


في أمان الكريم
وإلى اللقاء في رحلة أخرى ...