[العندليب]

حياك الله أمل ..

لا يحتاج التاريخ لمولد ليُثبت لنا مراجل وكرم أهل شمر ..
للمرجله أصلاً بهم
والمروة عاشت لهم ..
فحين نسمع عن الكرم الحاتمي نردد (( شمر ))


هنا قصيدة للشاعر ناصر القحطاني ..
كم أتمنى أن تُجير لي ..
ولكن لم يصدف الحظ لأكون شاعراً ..

إذاً
أسمحوا لي بأن اُهديها لكل من ينتسب إلى أهل شمر ..
ولمن كتب الموضوع خاصة .
فأجد هنا مكان مناسب لطرحها ..

بالصوت ..!



وهنا الكلمات


الشمس غابت وكل ٍ دوّر سراجه

والشوق جمّر محرّ الشوق لا جمّر

دام اتجاهك شمال مودعك حاجه

سلّم على حايل وسلّم على شمّر

قدامك الخافق اللي ينشد علاجه

كنه معلّق على برزان ومسمّر

وانت تعرف يا بعد حيي من تواجه

بيضان الافعال لا من الزمن سمّر

ان ضاقوا أعنف من البحر وامواجه

وان راقوا اركد من الخرمان لا عمّر

كم صيت بيت ٍ عتق في الباب مزلاجه

وكم شيخ اماره قبل تعيينه مؤمر

وكم حاتمي ٍ تكفيّ فلّة حجاجه

وش لون للضيف لو عن ساعده شمّر ؟

وان مر تاريخهم متلبس ٍ تاجه

كم عاشق ٍ كيّف وكم حاسد ٍ زمّر

في جو ٍ اغلى على الرجلي الى داجه

من ديرة السادس ومن ديرة معمّر

كنّه الى اهدى له البراق فجاجه

خلت غرير ٍ ضحك ومن الخجل حمّر

توارثوا حرثه وتمتير ديباجه

ركابة الجيب من ركابة الضمّر

الودّ لا غرس بدري صعب مخراجه

والله ولا الذّ واحلى منه لا ثمّر

ادخل على اللي تطوف البيت حجاجه

من ناقص ٍ عند مدح الغير يتذمّر

والمدح لو كان في الرديان للصاجه

ويقال عمّر بلد بالعون ما عمّر

والذّم لو زاد في الطيب تولاجه

لا احرق ولا اغرق ولا عمّر ولا دمّر

ماني بمتحسب بشعري على حاجه

الا اني اروح ما غنيت في شمّر


إشراقة الأمل ..
شكراً لك ,,,,