[جندب المالكي]

[poem=font="Simplified Arabic,5,#000000,bold,normal" bkcolor="#009FFF" bkimage="" border="double,4,#FF2E00" type=0 line=0 align=center use=ex num="0,#400000"]
قال الاستاذ النبيـغ البليـغ الجهبـذ =
امبراطـور الفـحـول الجهـابـذة =
كم على يدي من اهل القصيد اتلمـذ =
واغلب الشعار عندي تلامـذة =
المريد يصير بين العرب شاعر فـذ =
يفتهـم مملـو عليـه الاسـاتـذة =
اه من قلب ن من الهم كنـه يحنـذ =
بيـد حنـاذ ن تـوقـد محـانـذه =
والدماغ امن التفاكير كنه يفلذ=
بيد حدادن بفولاذ فالذه=
والعناء يهل المكارم علي استحـوذ =
وانفتـح للمعضـلات الـف نافـذة =
ابتغي في كل وجة طريـق ومنفـذ =
لاهفا الهافـي وضاقـت منـا فـذه =
وانا لاقررت شـي ن لـزوم ينفـذ =
ون حلفـت يميـن بتصيـر نافـذة =
والذي عايش وهـو دايمـا متلـذ ذ =
كيف لو يبدي لـه الوقـت ناجـذه =
والذي عن منهج الدين الاسلامي شذ =
ماجـزاه الا الجفـاء والمنـا بـذة =
كل واحد من كلامه يرد ويوخذ=
والغبي لا زل محدن يواخذه=
والكلام الزين بين الرجال امحبذ=
واحتزم بالسيف لا صرت شاحذه=[/poem]

جندب المالكي