[عبدالرحمن الزهراني]

السلام عليكم ورحمة الله وبركاته ،،،،،،،،

موضوع اليوم يبرز صاحب الذائقة والحس الشعري الجيد هنا قصيدة لشاعر من شعراء زهران المميزين الذين استطاعوا ان يرسموا لهم طريقاً
مستقلا بجمال وتفرد لن اطيل عليكم كل ما هو مطلوب منكم هو ابدا الراي حول القصيدة ومحاولة معرفة من هو صاحبها كأسلوب جديد لمحاولة
معرفة من تلتصق قصائده واسلوبه بالذاكره ... ودمتم في حفظ الرحمن

وهنا أول منتدى تنشر فيه القصيدة ...(حصري)

[poem=font="Simplified Arabic,5,indigo,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
الحمد لله فراج الكرب والغموم=كما يليق بجلال الواحد المقتدر
اللي هداني وانا ماكنت اصلي واصوم=واللي مسخر فوادٍ كنت اظنه حجر
ما يظلم الخلق وابن آدم لنفسه ظلوم=ولا يكلف بشر مالا تطيق البشر
الا ابتلاء لمؤمن او نكالا بقوم=استغفره لين ينبع ما ويفلق صخر
فاغفر ذنوبي جميعا يا اللطيف الرحوم=يكون ذنبٍ احسه ذنب ما يغتفر
اعظم من الذل فعيون الرجال القروم=واشنع من الغدر وارخص من تولي الدبر
يبقى لراعيه لو يغفر فوجهي لزوم=وابقى اتصفصف عنه حتى نهار الحشر
يقول صبري لحزني فيه ماني ملوم=ويقول حزني لصبري فيه..وجهة نظر
ويقول بعضي لبعضي فيه ما انت معصوم=ويقول بعضي لبعضي فيه تصلى سقر
ويقول لحمي لدمي فيه لو فيك سوم=ويقول دمي لعرقي جئت شيئا نكر
اللي جعل ضحكتي عارة وطبعي وجوم=واللي كسر في عيوني شي ما ينكسر
واللي جعلني كذا فض ووحيد وكتوم=واللي جعلني في الساحة (مسجل خطر)
فليت الليالي فقط سودا وليت الهموم=عداد نشر الدبا وعداد طلع الثمر
على فراق الذي لا زارني في الحلوم =اقوم وبوجنتيني من دموعي اثر
يا مرقبي له من الشفيان والا الرجوم=احسبني المحه في ناوان والا وبر
لجله اجِل الشرايع وانتمي للجموم=واعشق ثرا الديرة اللي من ثراها خطر
يا شق قلبي عليه اللي يشق الهدوم=مشقة ام ولدها ضاع والا انتحر
رحلت مجبور عنه وفي فوادي علوم=ما تنكتب لو مداد البحر كله شطر
مرغم على المشي قدما في مهب السموم=استغشي الثوب او اوضع في اذاني وقر
انسان يوم البشر كتلة عظام ولحوم=لو ما ادخله ربي الجنة نقصها الاجر
كأن ما في عظامه لا مشى كالسيوم=وكأن مشيته فديو كليب لاسمر عبر
وكأن صدره سما بعد انقشاع الغيوم=وكأن فمه هلال وحسن وجهه بدر
فيه الثقل والغنج شيخين ربع وخصوم=كل يقول لخصيمه يا طويل العمر
مسكر بطبعه ولا ياثم لو ان الكروم=تاثم .. وربي معلمنا بأن لا وزر
اعناك يالله فاهل منيمسي وروم=صنّاعة الموت تحسم موتي المختصر
ما الصنع الاول على مرماه ما فيه زوم=الزوم يفرز غشم وبواردية خكر
خشيبته وحدها تدفعك نحو الهجوم=ما هي خديوي مورثها خديوي مصر
لوترمي العرش في ظني تطيح النجوم=ولو ترمي البحر مره مات ما في البحر
تشيكيا ..جرمني ..بلجم بجال الختوم=ثلاثة اسماء لا شي غيرها معتبر
رصاصها عبقرية شر واما العلوم=احدّ واصغر نصيفة من اذاني الوبر
بالله وما سخره فيها تطيح الخصوم=ثنتين هي والدعا ممكن تحد القدر
وحروبها العالمية ما اوقدتها السهوم=ولا طمّع النازي الا عابرات النحر
وافعال زهران في الغازي ولا انسى البقوم=في عطف ريحان كم سوّت دروس وعبر
لوكان ما قابض الارواح راعي عزوم=يمديه يتكل على المعبر وكنه حضر
كأنما اوحى لواحد لا يصوم ويقوم=طريقة الموت بابسط وضع واشنع صور
اظنها اهون على الوافي وراعي السلوم =اذا اكتمل في عداه وفي حبيبه قصر
والله ورب السنين المجدبات الحسوم=ما خذت منه الذي ماحللته السور
واشرف من اني عليه ابكي وابل الكموم=دعوة مع والديني في صلاة الفجر
ودي اعتذر له قبل لا موت موتا مشوم=واقول له لا تسامحني على ما بدر
يفقدني امي وابي لو كنت ابنساه يوم=من قبل تتحشرج انفاسي واطب القبر[/poem]

تحياتي ،،،،،
صليب الراس