[جندب المالكي]

الى اخي ابو داوود اطال في عمره



[poem=font=",6,blue,normal,normal" bkcolor="silver" bkimage="" border="double,5,green" type=0 line=0 align=center use=ex num="0,black""]
سلامن ازكى من بخور العـود =
وازكى من اليشموم والكـادي =
سلام ينصى اخوي ابـو داوود =
مشكاى لامن حد نـي حـادى =
اسمه مسجل في سجل الجـود =
ويعد عندي شيـخ الاجـوادي =
بين النشامـا دايمـن معـدود =
وان غاب كلن عنـه نشـادي =
حقايقن عندي عليها اشهـود =
اشهود من حاضر ومن بـادي =
عساك تحيا في هنـا وسعـود =
وايام عمـرك كلهـا اعيـادي =
واليوم اباعنـز لـك المـردود =
مثايلن هاضـت مـن افـوادي =
البارحـه والعالميـن ارقــود =
اتقـول بالاعمـاق وقــادي =
والقلب يابحر الصخـا ملهـود =
اتقول ناشـة سـوط جـلادي =
واسبابها غدر الليـال السـود =
الي علـي اسيوفهـا احـدادي =
مما جرى لي يا مفيـد الفـود =
اعتفت حتى الشرب والـزادي =
واقول انا ياليـت عنـدي ذود =
احوف به مـن واد فـي وادي =
احب انا الصحراء بليا احـدود =
واحب واعشق جوها الهـادي =
اخصوص لا هبت هبوب النود =
والا ليـا مـن دن رعــادي =
لا اشوف لا عابـد ولا عبـود =
وافتك مـن عايـد وعـوادي =
وابعد عن اهل الحقد والمنقود =
امولعـت نيـران الاحـقـادي =
ياجعل دار اهل الردى بسكـود =
يهوي بهـا والقـوم هجـادي =
والوقت قيدنـي بغيـر اقيـود =
وامرار يتفنـن فـي ازهـادي =
لا صار دخل الاجودي محـدود =
وش حيلتة في دفع الاقصـادي =
والرزق بيد الواحـد المعبـود =
ماهو بيـد احمـود وحمـادي =
واشوف جفت يبن ابوي اعدود =
تـروي مـن اول كـل ورادي =
وان كان طق العود راس العود =
لا تسمع النشرة مـن الـرادي =
و الختم صلى الله على المحمود =
الـي بعثـه الله لنـا هــادي =
[/poem]
جندب المالكي