يا ذكرى التونه الصفرا
للذكريات واللي يذكرون فقط
[poem=font="Simplified Arabic,4,#003BFF,bold,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]
ذكرت ويا سقاك الله ذكرتك يا عقش يا توت=وشوكك له اثر بايدي لجل عينين محبوبه
وبشكير الغلى الاحمر يذكرنيك يا الشخموت=ولا باقي من الذكرى سوى الجالون والروبه
تذكرت الزمان اول وطعم التين والسنوت=وحق النيدو به ريحان تسقيه ايد مخضوبه
تذكرت الونيت الشبك ابو مرايه على الكبوت=مشغل اغنية عيسى بمدح الجمس وعيوبه
وانا امنيتي اتعلق على الصدام قبل اموت=الا يا امنية جاهل عليه الحين محسوبه
يا ذكرى خبزة المله وطفلٍ يشتهي بسكوت=وريحك يالقنا للحين في هالراس مشبوبه
يا ذكرى الثوب ابو خبنه حلمنا انا نشوف بشوت=وراح العرس والمعرس يغطي رقعة جيوبه
يا ذكرى الحوكه للحرمه ولا هي لبس بنت بنوت=وذكرى عيش مثريه يا ليش الحله مقلوبه
يا ذكرى اللي تدرسني وانا ما ادري بمعنى (فوت)=كفوفٍ متعبه حنت لذكرى ارض مسلوبه
يا ذكرى الكوره والفاول من اللي سببه بيشوت=يروح الوقت نتودود عن الفاول واسلوبه
ونتضاحك على ناسٍ تسمي الكندره بالبوت=وشردتنا عن الشايب يقاحر من كسر طوبه
يا ذكرى التونه الصفرا (علي قايد) يقول الحوت=وريحتها تفك الراس وشطتها على ثوبه
يا ذكرى الشايب الفاهم يعلمنا عن السربوت=ونسمع قصته وانحن درينا القصه مكذوبه
يا ذكرى العيد وين العيد درنا ما لقينا بيوت=تقول الناس ما هي الناس على الهجران مغصوبه
يا ذكرى ما بقى ذكرى تمر اعمارنا وتفوت=مساريب القرى شاخت على الجدران مكتوبه
ولو اني ذكرت اليوم نسيت ان العقش هو التوت=وحق النيدو ما يكفي غراز لراس محبوبه[/poem]
ـــــــــــــــــــــــــــــــــــــ
التعديل الأخير تم بواسطة العرنين ; 13-11-2007 الساعة 07:50 AM.
|