[الســرف]

اليوم - الاثنين << قول والله

طبعاً يبدأ اليوم من نداء الحق وصلاة الفجر

رحت صليت ورجعت نمت حتى الساعه 6.30 ص
صحيت وسويت تمارين شوي على الجهاز عشان بس تفكك المفاصل اللي جمدت من التكييف
اخذت دش وطلعت لقيت الفطور جاهز << بعلمكم بالفطور ساندوتش جبنه شيدر مع بيض مقلي وكاس عصير برتقال
لبست وطلعت للعمل
بس طلعت السياره واشغل ويطلع لي راشد الماجد حسبه الله

"يسألوني ليه احبك حب ماحبه بشر
وانك انتي في حياتي شمسها وانتي القمر "

خلصت وتجي بعدها وحده الم بعد
" عاش من شافك حبيبي وين هالغيبه عنّا "

وش جاب هالسي دي اليوم

لا اخفيكم طول الطريق هواجس
لولا وجود النظارات الشمسيه كان الناس شافوه وسط عيني

وصلت العمل مالي خلق عمل
شوي جاي خطاب تكليف اسبوعين بلجنه داخليه
اخذت جهازي وناديت اعضاء اللجنه المنسمين وعلى دار السيما << غرفه في ركن منسي من هالعالم

قلت جايب لك اليوم فيلم انما ايييه

خلونا ننبسط اول بعدين نشتغل .....على طول ماصدقوا خبر ....طيب طيب

الفيلم اسمه " زوهان " اسرائيلي ومال امه داعي بس الطفش ومالقيت الا هو
ارسلنا الماسنجر يروح يجيب نخب الجلسه اللي هو البايسون ومعاه سنيكرز
وفلللللله حتى اذن الظهر
طلعنا صلينا
طبعاً لاتقولوا ماتشتغلوا ومدري ايش ؟؟؟
اللجنه هذي كلام فاضي وقرار اداري منسم ولافائده منه بختصار يعني

بعد الظهر رحنا تغدينا وحنا راجعين قالوا الشباب فيه واحد من الزملاء منوم بالمسشتفى بنروح زياره
رحنا له وكان مسوي عمليه عظام عنده خلع في الكتف وعمل له تثبيت
والله لايوريكم لقينا الزملاء كلهم عنده
مسكوه وكتبوا ذكرياتهم على فخذه خلوا فخذه مثل جدار مدرسه والا حوش << طبعا الفكره من عندي لانه قال لاجايبين ورد ولا هديه اللحين كيف اتذكركم انكم جيتوا وزرتوني قلت خلاص سجلوا ذكرياتكم على الافخاذ وتواقيعكم واذا خلصت اقلبوه

وحنا نازلين في المصعد ........والا بلاش احسن

ايوه نسيت اقولكم ان واحد سوى فيني مقلب اليوم
ارسل مسج " انا عند سيارتك بالمواقف الزجاج الخلفي مكسور والكفر كله منسم " وخرجت من جلسة الفيلم زي المجنون وطلعني في السمس والسمس حاره
المشكله هالانسان مستحيل يكذب عليّ وهادي ولاتجي منه بس اكتشفت ان واحد نذل اخذ جواله واستغل تصديقي لصاحب الجوال وارسل منه هالمسج المقلب

رجعت من الدوام لقيت عندنا ضيوف وجلسوني بالمجلس
بس تسللت لغرفة النوم وحطيت راسي ونووووووووووووووووووووووووم
صحينا ونحن الان بينكم


تشاوووو