[الشغموم]

[مدري زمان أول طرى والا طرت لي فرحتي=
والا ذرف دمع على خدي من دموع الفرح
وقت تعداني وانا أهتف له واثني صرختي =
حليت في عتم الليالي من عقب ذاك الصبح
صبح طمس نور النجوم اللي تروق لسهرتي=
ياللي تغشت بالدجا واللي لها لمع وضح
ودي اسوق خطاي لو تفحم قداكم خطوتي=
واشرب من كفوفك قراح الما زلال في قدح
يوم اللقا بك يا عظيم الشان يجلى حسرتي=
غرقان في بحر الهوى سرحان في ليل الشبح
مصطاب من سهم العيون السود وسط احشاشتي=
زرق السهم ربي عليم فيه كم صاب وذبح
عزاه من ذاك الجبين اللي طفالي شمعتي=
عزاه من ذاك اليديل اللي ضوى منك وسرح
داي العميق دواه من دونه تزايد علتي=
ورد على بستان للشفقان قطفه ما سمح
تبكي مصابيح المدينة والشوارع حالتي=
اسمع بكاها واستمع للريح لا ثار ولفح
واسمع خلوج بالخلا حنت سبايب حنتي=
واسمع قنيب الذيب واسمع للجواد اللي جمح
كنت احسب اني في طريق الحب ترجح كفتي=
واثر الخساير في الهوى تبغي على كيل الربح
شان الزمن واتبدلت الاوضاع والذاري عتي=
وذكراك تبقالي على دب الدهر نشوة فرح[/