[مسفر العدواني]

[align=center]شيخ الجن[/align][


[poem=font="Simplified Arabic,6,#05C52C,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
يا سحابه (داهكه) متكّدره ووحيده=هلّي أمطارك عليها وانشديها عنّي
والله إني حاكم ا/هواها وسيد سيده=استقي منها الحروف وتستقيها منّي
وإن شيخ الجن ما يقدر على تهديده=يشرب الفنجال عندي ما أقله ثنّي
يا قصيدي مجدنا ما ينهدم تمجيده= لاتنازل بالشياخه صاحبي طمنّي
واخبره عن ( ...) لا لا تسلّم فــ /يده=لا يقهويها قصيد ولا يخيب ظنّي
جمرها كنّه كهوف(ن)موحشه وبعيده=كنّها ومضة شهاب .وليل(ن)أسود كنّي
لا يجاملها ترا هي ملسنه وعنيده=حارسنها داب(ن)اسود فوق راحة جنّي
لين تقطع كفها وتخيّطه بقصيده=أو تحط البرق فوق أنفاسها وتغني
شفتها قبل أمس تمشي في ضواحي(بيده)=حافيه متلحفه بشت(ن)حساوي بنّي..!!
قلّها: بان (...)عيدنا من عيده=صار حاكم للقصيد وعايش(ن) متهنّي
شيخها ذاك الذي صابر على تعقيده=قال :ساعدني وإذا ما كنت سيفك هنّي
قلت له عرنين)و(النصله)و(خد زبيده)=قال :تكفى لا تخليني وحيد وعنّي
ذيبي اللي كل من يلقاه ينوي صيده=كان شيعي لين صاحبني وعوّد سنّي
قلت :ذيبك فــــ/(القرون)ومن بينوي كيده=قال: (شعب الصيد) فيه سباع ما تامنّي
قلت :بنتك قصرها غاروا عليه عبيده=لو تشن الحرب بعد اليوم ما تنشنّي..!
عرشها ذاك الذي تنقص منه وتزيده= عانه أصبح تحت رجلي عاني(ن)متعنّي.!
دابها ذاك الذي عينه تراقب جيده= تحت قبضه محكمه يشكي لها ويونّي
والله إني لأحبسه في قبضتي تأبيده= لين يشرب من بحور قصائدي ويحنّي
عشرة أعوام(ن)وأنا الغي فنّها وتعيده= خلها مرّه تجرب ليلة(ن)من فنّي [/poem]


داهكة 1418