[جندب المالكي]

بسم الله الرحمن الرحيم
اخواني الكرام في منتدى زهران





السلام عليكم ورحمة الله وبركاته
[poem=font="Simplified Arabic,5,#0D0BDC,bold,italic" bkcolor="#EEEEDA" bkimage="" border="double,4,#10770B" type=2 line=0 align=center use=ex num="0,#400000"]
سريا قلم واكتب من الراس بحساس =ابيات شعرا تتسم بالسلاسة
وسلام يامن خوته ترفع الراس=سلاما اسمى من سمو الحماسة
واثمن من الياقوت واغلى من الماس=واحلىمن الذوب المصفى بكاسة
والذ حتى من مذاق الا نا ناس= في دوحتن غنا تجيب الوناسة
يلفي وينصى صيرمين وقرناس=امعرب المجنى من اصله وساسه
بن جابر اللي كاسبن كل نوماس=صافي ذهب ماهو بمعدن نحاسة
ابن الذي لا عدو اهل التفراس=عدوه الاول بين ربعه وناسه
من لابتن تعرف وتذكر مع الناس=اهل الوغا واهل الوفا والفراسة
ويا خالد افهم ما كتب فوق الاطراس=معاني اللي بحر الاشعار قاسه
معانين تلبس من الحكمة الباس=جواهرن فيها الحلى والنفاسة
الوالدين اشرب مع برهم كاس=كاس الرضا ومسايستهم سياسة
واحرص على السنة فهي خير نبراس=ومرافق اهل العلم واهل الكياسة
والدين يا خالد هو الاصل والساس=ورجلن بليا دين ينهد اساسه
اجلس مع العلم في كل مجلاس=وافهم دروس العلم والبس لباسه
واحذر هل الغرات والناس الانجاس=اهل العلوم الهابطة والنكاسة
واحذر من الهلاس تباع الادناس=اللي يدوبح للنقايص براسه
وحق الخوي يلزمك ياراعي الباس=واليا حدنه عوج الايام واسه
واللاش لو يملك من الثروة اكياس=ترى علومه كل ابوها طفاسة
واليا بغيت اتحدد احوال الارماس=وتحيط بغموض المسا ر ومجاسه
دورلها اللي يعرف ارموز الاقواس=اللي درس حل الطلاسم دراسة
هذا وانا عندي للاشخاص مقياس=والرجل مايخفى علية مقاسه
واسلم ودمت وكل معنى من الراس=معاني اللي شيب الوقت راسه
والختم صلى الله على خيرة الناس=اللي على اهل الشرك داس بمداسه
محمد الشافع لنا يوم الاتعاس=لا ضيع الانسان جملة حواسه [/poem]جندب المــــــــــــــــــــــــــــــالكي